«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 31-րդ հոդվածին համապատասխան, ՀՀ Լոռու մարզի Վանաձոր համայնքի 2026 թվականի բյուջետային գործընթացը սկսելու նպատակով՝

Հաստատել ՀՀ Լոռու մարզի Վանաձոր համայնքի 2026 թվականի բյուջեի մշակման գործընթացի' Վանաձոր համայնքի 2026-2028 թվականների միջնաժամկետ ծախսերի ծրագրի (ՄԺԾԾ) և Վանաձոր համայնքի 2026 թվականի բյուջեի նախագծերի մշակման աշխատանքների իրականաց­ման ժամանակացույցը'
1. Համայնքային ենթակայության կազմակերպությունների ղեկավարներին՝   
1) Մինչև ընթացիկ տարվա ապրիլի 20-ը համայնքապետարանի ֆինանսատնտեսագիտական բաժին ներկայացնել 2026-2028 թվականների միջնաժամկետ ծախսերի ծրագիրը:
2) Մինչև ընթացիկ տարվա օգոստոսի 20-ը համայնքապետարանի ֆինանսատնտեսագիտական բաժին ներկայացնել 2026 թվականի բյուջետային ֆինանսավորման հայտերը, իրենց պահպանման ծախսերի նախահաշիվները՝ համապատասխան հիմնավորումներով:
2. Եկամուտների հաշվառման, հավաքագրման և գովազդի բաժնի պետին, սպասարկման և տրանսպորտի բաժնի պետին՝
Մինչև ընթացիկ տարվա ապրիլի 20-ը համայնքապետարանի ֆինանսատնտեսագիտական բաժին ներկայացնել տեղեկություններ՝
· 2026-2028թթ. համար համայնքի եկամուտների կանխատեսումների, այդ թվում՝ բյուջետային եկամուտների առանձին եկամտատեսակներից և դրանց ռիսկերի վերաբերյալ:
· Եկամուտների ուղղությամբ աշխատանքների ընթացքի գնահատականի և 2025-2027թթ. ՄԺԾԾ-ով համայնքի բյուջեով եկամուտների ցուցանիշների փոփոխությունների վերաբերյալ՝ 2026-2028թթ. ՄԺԾԾ-ով համայնքի եկամուտներում տեղ գտած եկամուտների ցուցանիշների նկատմամբ շեղումների կամ փոփոխությունների բացատրություն:
3. Աշխատակազմի բաժինների պետերին`
1) Սույն որոշման 1-ին կետում նշված ժամկետներում ֆինանսատնտեսագիտական բաժին  ներկայացնել 2026-2028 թվականների միջնաժամկետ ծախսերի ծրագրի, ճշգրտված նախորդ բյուջետային տարվա փաստացի կատարողականով (ներառյալ 2026 թվականի բյուջեի) համապատասխան ոլորտներումսպասվելիք եկամուտների, ինչպես նաև համայնքի ղեկավարի`օրենքով սահմանված լիազորությունների ուղղությամբ իրականացվելիք ծրագրերի և գնման հայտերի նախագծերը, գնվելիք աշխատանքների, ծառայությունների և ապրանքների գծով ծախսերի նախահաշիվները ըստ բյուջետային մուտքերի և ելքերի հաշվարկման համապատասխան ձևերի, ծախսերը հիմնավորող նախագիծ նախահաշիվներով:
2) Մինչև ընթացիկ տարվա հուլիսի 20-ը համայնքապետարանի զարգացման ծրագրերի, արտաքին կապերի և տեղեկատվական տեխնոլոգիաների բաժին ներկայացնել ՀՀ 2026 թվականի պետական բյուջեից նպատակային հատկացումներ (սուբվենցիաներ) ստանալու համար առաջարկվող ծրագրերը:
3) Համապատասխան  ոլորտներում  ապահովել  սույն որոշման առաջին կետի կատարումը:
4. Աշխատակազմի զարգացման ծրագրերի, արտաքին կապերի և տեղեկատվական տեխնոլոգիաների բաժնի պետին՝
Մինչև ընթացիկ տարվա օգոստոսի 20-ը ամփոփել և համայնքի ղեկավարին ներկայացնել ՀՀ 2026 թվականի պետական բյուջեից նպատակային հատկացումների (սուբվենցիաների) բյուջետային ֆինանսավորման հայտերը հաստատելու մասին Վանաձոր համայնքի ավագանու որոշման նախագիծը: 
5. Աշխատակազմի ֆինանսատնտեսագիտական, զարգացման ծրագրերի, արտաքին կապերի և տեղեկատվական տեխնոլոգիաների բաժինների պետերին՝
Օրենքով սհմանված ժամկետներում ամփոփել սահմանված ձևերով ներկայացված փաստաթղթերը, կազմել Վանաձոր համայնքի 2026-2028 թվականների միջնաժամկետ ծախսերի ծրագիրը (ներառյալ 2026 թվականի բյուջեն) հաստատելու մասին Վանաձոր համայնքի ավագանու  որոշման նախագծերը և ներկայացնել համայնքի ղեկավարին: