Հիմք ընդունելով Անթառամ Վաչագանի Բարսեղյանի (ծնված՝ 17․12․1958թ․) 11․09․2024 թվականի թիվ 02/15462 դիմումը, 05․04․2024 թվականի ըստ օրենքի ժառանգության իրավունքի թիվ 1861 վկայագիրը (նոտարական ակտի կոդ։ 741-20240321-84-7799465), հայտարարությունները, 22․04․1997 թվականի սեփականության վկայագիրը, անշարժ գույքերի հասցեներ տրամադրելու մասին որոշման քաղվածքը, ՀՀ կադաստրի կոմիտեի կողմից 05․09․2025թ․ թվականին տրված հաշվառման (չափագրման) տվյալների մուտքագրման տեղեկանքը (ծածկագիր։ 2025DFENYM), «ՏԱՐՈՆ ՎԱՐԴԱՆՅԱՆ ԱՐՏՈՒՐԻ» ԱՁ-ի կողմից տրված հողամասի և շինությունների հատակագծերը, շինությունների բնութագիրը և եզրակացությունները, հանրային ծառայություններ մատուցող կազմակերպությունների եզրակացությունները, «Վանաձորի նախագծող» ՍՊԸ-ի կողմից 20․05․2025 թ․ տրված շինությունների տեխնիկական վիճակի վերաբերյալ թիվ ՎՆ 1-115/25 Ի եզրակացությունը և հաշվի առնելով այն, որ Վանաձոր քաղաքի Լազյան փողոց թիվ 13 հասցեում կառուցված բնակելի տան կառուցման և սպասարկման համար անհրաժեշտ օրինական 261․0քմ դրան կից 11․5քմ մակերեսներով հողամասերը, դրա վրա կառուցված բնակելի նշանակության շինությունները չեն գտնվում ՀՀ հողային օրենսգրքի 60-րդ հոդվածով սահմանված հողամասերի և ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ: Բնակելի տունը կառուցվել է 1937-1970թթ․ -ին, դրա զբաղեցրած և սպասարկման համար անհրաժեշտ հողամասի մակերեսը փաստացի կազմում է 272․5քմ, որից 70․2քմ մակերեսով հողամասը հանդիսանում է ընդհանուր բաժնային սեփականություն 3 տնատիրությունների միջև:
Ղեկավարվելով 10.06.2008թ. «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքով, ՀՀ կառավարության 2021թ. փետրվարի 25-ի թիվ 233-Ն որոշմամբ հաստատված կարգի 29-րդ կետի 4-րդ ենթակետով, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ կառավարության 29․04․2021թ․ թիվ 698-Ն որոշումով՝ որոշում եմ.
1. Ճանաչել Անթառամ Վաչագանի Բարսեղյանի սեփականության իրավունքը Վանաձոր համայնք, Վանաձոր քաղաքի Լազյան փողոց թիվ 13 հասցեում գտնվող բնակելի տան կառուցման և սպասարկման համար անհրաժեշտ օրինական 261․0քմ մակերեսով հողամասին կից 11․5քմ մակերեսով հողամասի նկատմամբ:
0․00702 հա մակերեսով հողամասը հանդիսանում է ընդհանուր բաժնային սեփականություն 3 տնատիրությունների միջև։
2. Ճանաչել Անթառամ Վաչագանի Բարսեղյանի սեփականության իրավունքը մինչև 2001թ. մայիսի 15-ը Վանաձոր համայնք, Վանաձոր քաղաքի Լազյան փողոց թիվ 13 հասցեում կառուցված իրավունք հաստատող փաստաթղթերը չպահպանված բնակելի տան կառուցման և սպասարկման համար 272․5քմ մակերեսով հողամասի վրա գտնվող բնակելի նշանակության շինությունների նկատմամբ՝ համաձայն «ՏԱՐՈՆ ՎԱՐԴԱՆՅԱՆ ԱՐՏՈՒՐԻ» ԱՁ-ի կողմից տրված շինությունների բնութագրի։
3. Հաստատել Վանաձոր համայնք Վանաձոր քաղաքի Լազյան փողոց թիվ 13 հասցեում գտնվող 272․5քմ մակերեսով հողամասի ճշտված սահմանները՝ համաձայն համայնքի ղեկավարի կողմից հաստատված հատակագծի: Հողամասի սահմանները որոշվում են համայնքի ղեկավարի կողմից հաստատված հատակագծով:
4․ Սույն որոշման 1-ին կետում նշված գույքին տրամադրել նոր փոստային հասցե՝ Վանաձոր համայնք, Վանաձոր ք․, Ս․ Լազյան փողոց, 13/3 բնակելի տուն: