Հիմք ընդունելով Հայաստանի տարածքային զարգացման հիմնադրամի և Վանաձորի համայնքապետարանի միջև կնքված 30 ապրիլի 2024 թվականի «Նպատակային նվիրաբերության պայմանագիր WAFT-LR-04/1»-ը, հանձնման-ընդունման ակտը, ղեկավարվելով ՀՀ քաղաքացիական օրենսգրքի 685-րդ հոդվածի 1-ին մասով, 693-րդ հոդվածի 1-ին մասով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով` Վանաձոր համայնքի ավագանին որոշում է.

1. Ընդունել որպես նպատակային նվիրաբերություն՝ թվով 2 Կամազ-TRCU-2axle-102 մակնիշի աղբատար մեքենաները հետևի բարձմամբ, 87 200 000 ՀՀ դրամ (2-ը միասին) արժեքով։
2․ Վանաձոր համայնքի սեփականություն հանդիսացող թվով 2 Կամազ-TRCU-2axle-102 մակնիշի աղբատար մեքենաները հետևի բարձմամբ՝ 87 200 000 ՀՀ դրամ (2-ը միասին) արժեքով, անհատույց օգտագործման իրավունքով, անժամկետ, հանձնել «Վանաձորի քաղաքային տնտեսություն» համայնքային ոչ առևտրային կազմակերպությանը:
3.Վանաձոր համայնքի ղեկավարին՝ «Վանաձորի քաղաքային տնտեսություն» համայնքային ոչ առևտրային կազմակերպության հետ կնքել գույքի անհատույց օգտագործման պայմանագիր: