Ղեկավարվելով ՀՀ քաղաքացիական օրենսգրքի 685-րդ հոդվածի 1-ին մասով, 693-րդ հոդվածի 1-ին մասով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով՝ Վանաձոր համայնքի ավագանին որոշում է․ 

1․ Վանաձոր համայնքի սեփականություն հանդիսացող գույքը՝ թվով 100 հատ աղբարկղները, ընդհանուր 7535100․00 /յոթ միլիոն հինգ հարյուր երեսունհինգ հազար մեկ հարյուր/ ՀՀ դրամ արժեքով, (ծավալը՝ առնվազն 1100 լ, երկարությունը՝ 1260 մմ  5 % ներառյալ աղբատարի մանիպուլյատորի համար նախատեսված բռնակները, խորությունը՝ 1077 մմ  5 %, բարձրությունը՝ 1362 մմ  5 %, քաշը՝ 51 կգ  5 կգ, բեռնատարողությունը՝ առավելագույնը 440 կգ, անիվների տրամագիծը՝ 200 մմ, գործարանային երաշխիք՝ 1 տարի, աղբարկղները նախատեսված են կենցաղային աղբի համար՝ գույնը կանաչ, կառուցվածքը, պարամետրերը և անվտանգության պահանջները պետք է համապատասխանեն EN 840 ստանդարտին, անհատույց օգտագործման իրավունքով հանձնել «Վանաձորի քաղաքային տնտեսություն» համայնքային ոչ առևտրային կազմակերպությանը։
2․ Վանաձոր համայնքի ղեկավարի պաշտոնակատարին՝ «Վանաձորի քաղաքային տնտեսություն» համայնքային ոչ առևտրային կազմակերպության հետ կնքել գույքի անհատույց օգտագործման պայմանագիր։