Վանաձորի համայնքապետարանը 2025թ մարտի 5 համայնքի ավագանու 19 որոշմամբ, 2025 թվականի համայնքի բյուջեում պլանավորել է 20 մլն (քսան միլիոն) ՀՀ դրամ՝ մասնակցային բյուջետային գործընթաց և կառավարում իրականացնելու՝ քաղաքացիների հետ առավել արդյունավետ և սերտ կապն ապահովելու նպատակով:
Ծրագրի իրականացումն ապահովելու համար Վանաձոր համայնքի ղեկավարի պաշտոնակատար Արկադի Փելեշյանի կողմից ստեղծվել է գործընթացի կառավարման հանձնաժողով, հաստատվել է միջոցառումների իրականացման ժամանակացույց
Մասնակցային բյուջետավորման գործընթացը սույն հարթակով հնարավորություն է ընձեռում համայնքի 16 տարին լրացած բնակիչներին մասնակցելու Վանաձոր քաղաքի և 3 գյուղական բնակավայրերի զարգացմանն ու բարեկարգմանը՝ ներկայացնելով իրենց նախընտրած ծրագրերը:
Մասնակցային բյուջետավորմամբ ձևավորվող յուրաքանչյուր ծրագրի իրականացման համար ներկայացված առաջարկ-նախագծերի գումարը չպետք է գերազանցի համայնքի ավագանու որոշմամբ սահմանված 83,0 մլն ՀՀ դրամը։
Վանաձորի համայնքապետարանը նախաձեռնել է այս գործընթացը քաղաքացիների հետ առավել արդյունավետ և սերտ կապ ապահովելու և մասնակցային կառավարում իրականացնելու նպատակով։
Վանաձոր համայնքում բնակվող մեր քաղաքացիները հնարավորություն ունեն համայնքապետարանի հետ համատեղ բարելավելու իրենց բնակավայրը՝ ավելի հարմարավետ և գրավիչ դարձնելով համայնքի կյանքը։
Միևնույն ժամանակ առաջարկների այս հարթակը քաղաքացիներին հուզող խնդիրներին ծանոթանալու համակարգ է և լուծումների միասնական որոնման միջոց։ Այս էլեկտրոնային գործիքը ավելի շոշափելի կդարձնի միասնական կառավարում հասկացությունը։
Առաջարկներ կարող են ներկայացնել էլեկտրոնային եղանակով Վանաձորի համայնքապետարանի կայքում cmis.vanadzor.am: Ձեր առաջարկները ներկայացնելու, կամ ներկայացված առաջարկների օգտին քվեարկելու համար անհրաժեշտ է գրանցվել կայքում՝ անցնելով հետևյալ հղումով (լրացնելով պահանջվող դաշտերը) կամ մուտք գործելով «Ես եմ» (ID կամ MID առկայության դեպքում) հարթակի միջոցով։