Հիմք ընդունելով Արայիկ Գագիկի Կարապետյանի դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 24102024-06-0054 վկայականը, 13.05.2024թ․ Վանաձոր համայնքի ավագանու թիվ 31 որոշումը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ  հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.

1. Վանաձոր քաղաքի Հ. Ներսիսյան փողոց 1–ին նրբանցք 16/2 հասցեում գտնվող, Վանաձոր համայնքի սեփականությունը ճանաչված 36.4քմ արտաքին մակերեսով (ներքին  մակերեսը՝ 31.5քմ) ավտոտնակը 71700 (յոթանասունմեկ հազար յոթ հարյուր) դրամով և դրանով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 36.4քմ մակերեսով հողամասը 161700 (հարյուր վաթսունմեկ հազար յոթ հարյուր) դրամով, ուղղակի վաճառքի ձևով օտարել Արայիկ Գագիկի Կարապետյանին:

2. Վանաձոր համայնքի ղեկավարին` Արայիկ Գագիկի Կարապետյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր, իսկ աշխատակազմի եկամուտների հավաքագրման, հաշվառման և գովազդի բաժնին հաշվառել վերոնշյալ պայմանագիրը։