Հիմք ընդունելով Սարգիս Խաչիկի Խոշիբյանի 23.01․2024թ. թիվ 02/1490 դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 02092024-06-0015 վկայականը, 13.05.2024թ․ Վանաձոր համայնքի ավագանու թիվ 31 որոշումը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.
1. Վանաձոր քաղաքի Շինարարների փողոց, 21/1 հասցեում գտնվող, Վանաձոր համայնքի սեփականությունը ճանաչված 24.5քմ արտաքին մակերեսով (ներքին մակերեսը՝ 23.1քմ) ավտոտնակը 20 դրամով 1քմ-ի համար և դրանով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 24.5քմ մակերեսով հողամասը 18 դրամով 1քմ-ի համար, վարձակալությամբ տրամադրել Սարգիս Խաչիկի Խոշիբյանին:
2. Վանաձոր համայնքի ղեկավարին` Սարգիս Խաչիկի Խոշիբյանի հետ ՀՀ օրենսդրությամբ սահմանված կարգով կնքել ավտոտնակի և հողամասի վարձակալության պայմանագիր, իսկ աշխատակազմի եկամուտների հավաքագրման, հաշվառման և գովազդի բաժնին հաշվառել վերոնշյալ պայմանագիրը։