Հիմք ընդունելով ՀՀ կադաստրի կոմիտեի կողմից 27/05/2025 թվականին տրված գույքի նկատմամբ իրավունքի (սահմանափակման) պետական գրանցման վարույթը կասեցնելու մասին թիվ Կ-27052025-06-0155 որոշումը, անշարժ գույքերի հասցեներ տրամադրելու մասին որոշման քաղվածքը և 05․03․2025 թվականի Վանաձոր համայնքի ավագանու թիվ 7-Լ որոշմամբ հաստատված ՀՀ Լոռու մարզի Վանաձոր համայնքի տարածական պլանավորման փաստաթղթերի նախագիծը, ՀՀ վարչապետի 2009 թվականի դեկտեմբերի 22-ի թիվ 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 12․08․2024 թվականին տրված թիվ 2-14 դրական եզրակացությունը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 3-րդ հոդվածի 1-ին մասի 1-ին կետով, 8-րդ հոդվածի 1-ին մասով, «Տեղական ինքնակառավարման մասին» ՀՀ օրենքի 43-րդ հոդվածի 1-ին մասի 4-րդ կետով, «Քաղաքաշինության մասին» ՀՀ օրենքի 143-րդ հոդվածի 11, 12, 13, 14 մասերով, ՀՀ կառավարության 29 դեկտեմբերի 2011թ. 1920-Ն որոշման N1 հավելվածի 24-րդ կետի 3-րդ մասով, ՀՀ կառավարության 2021 թվականի փետրվարի 25-ի թիվ 233-Ն որոշմամբ հաստատված կարգի 29-րդ կետի 4-րդ ենթակետով`որոշում եմ.
1․Համապատասխանեցնել Վանաձոր համայնքի, Վանաձոր քաղաքի Տարոն-4 թաղամասում գտնվող, 06-001-0105-0001 կադաստրային ծածկագրով, 2․00 հա մակերեսով հողամասի նպատակային նշանակությունը՝ բնակավայրերի հողերից՝ արդյունաբերության, ընդերքօգտագործման և այլ արտադրական նշանակության հողերի, գործառնական նշանակությունը՝ բնակելի կառուցապատման հողերից՝ արդյունաբերական օբյեկտների հողերի՝ համաձայն Վանաձոր համայնքի տարածական պլանավորման փաստաթղթերի նախագծի։
2․ Հողամասի նպատակային և գործառնական նշանակությունը համապատասխանում է Վանաձոր համայնքի տարածական պլանավորման փաստաթղթերի նախագծին և բավարում է ՀՀ կառավարության 02.04.2015թ.-ի թիվ 412-Ն որոշման 1-ին կետի ը. ենթակետի պահանջները և ենթակա է գրանցման որպես արդյունաբերության, ընդերքօգտագործման և այլ արտադրական նշանակության նպատակային նշանակության՝ գործառնական նշանակությունը արդյունաբերական օբյեկտների հողամաս։
3․ Վանաձոր համայնքի, Վանաձոր քաղաքի Տարոն-4 թաղամասում գտնվող, 06-001-0105-0001 կադաստրային ծածկագրով, 2․00 հա մակերեսով հողամասին տրամադրել փոստային հասցե` Վանաձոր համայնք, Վանաձոր ք., Տարոն-4 թաղամաս, 43/1 հողամաս։
4․ Վանաձոր համայնքի ղեկավարի 08 մայիսի 2025 թվականի թիվ 1081 որոշման հավելվածը փոխարինել Վանաձոր համայնքի ղեկավարի կողմից հաստատված նոր հավելվածով։
5․ Ուժը կորցրած ճանաչել Վանաձոր համայնքի ղեկավարի 08 մայիսի 2025 թվականի «Համայնք Վանաձոր, Վանաձոր քաղաքի Տարոն-4 թաղամասերում գտնվող, 06-001-0105-0001 կադաստրային ծածկագրով հողամասին փոստային հասցե տրամադրելու մասին» թիվ 1081 որոշումը։