Հիմք ընդունելով Վարդգես Նորիկի Եգանյանի 23.11.2023թ․ թիվ 02/20657 դիմումը,Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 03072026-06-0068 վկայականը, 13․05․2024թ․ Վանաձոր համայնքի ավագանու թիվ 31 որոշումը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ  հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.

1. Վանաձոր համայնք, Վանաձոր քաղաքի Ա․ Իսահակյան փողոց, 1-ին նրբանցք 5/18 հասցեում գտնվող, Վանաձոր համայնքի սեփականությունը ճանաչված 19.7քմ արտաքին մակերեսով (ներքին մակերես՝ 17.9քմ) ավտոտնակը 38790 (երեսունութ հազար յոթ հարյուր իննսուն) ՀՀ դրամ և դրանով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 19.7քմ մակերեսով հողամասը 87510 (ութսունյոթ հազար հինգ հարյուր տասը) ՀՀ դրամով, ուղղակի վաճառքի ձևով օտարել Վարդգես Նորիկի Եգանյանին:

2․ Վանաձոր համայնքի ղեկավարին` Վարդգես Նորիկի Եգանյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր, իսկ աշխատակազմի եկամուտների հավաքագրման, հաշվառման և գովազդի բաժնին հաշվառել վերոնշյալ պայմանագիրը։