Հիմք ընդունելոՎ Աշոտ Սամարջիկի Սարդարյանի լիազորված անձ Տաթևիկ Աշոտի Սարդարյանի 22.08.2023թ. թիվ 14349 դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 19072024-06-0055 վկայականը, 13.05.2024թ․ Վանաձոր համայնքի ավագանու թիվ 31 որոշումը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ  հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.

1. Վանաձոր քաղաքի Պ․ Սևակի փողոց 47/27 հասցեում գտնվող, Վանաձոր համայնքի սեփականությունը ճանաչված 28․3քմ արտաքին մակերեսով (ներքին  մակերեսը՝ 25․6քմ) ավտոտնակը 55730 (հիսունհինգ հազար յոթ հարյուր երեսուն) դրամով և դրանով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 28․3քմ մակերեսով հողամասը 125710 (հարյուր քսանհինգ հազար յոթ հարյուր տասը) դրամով, ուղղակի վաճառքի ձևով օտարել Աշոտ Սամարջիկի Սարդարյանին:

2. Վանաձոր համայնքի ղեկավարին` Աշոտ Սամարջիկի Սարդարյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր, իսկ աշխատակազմի եկամուտների հավաքագրման, հաշվառման և գովազդի բաժնին հաշվառել վերոնշյալ պայմանագիրը։