Հիմք ընդունելով  19․05․2025 թվականի ՀՀ կադաստրի կոմիտեի գույքի նկատմամբ իրավունքի  պետական գրանցումը  մերժելու մասին թիվ (Կ-19052025-06-0119) որոշումը,  Վանաձոր համայնքի ղեկավարի  17․04․2025 թվականի թիվ 931 որոշումը, «ԻՆԷՔՍ» ՍՊԸ-ի կողմից տրված հողամասի և շինությունների հատակագծերը, շինությունների բնութագիրը և եզրակացությունը, ՀՀ կադաստրի կոմիտեի կողմից տրված 18․12․2023 թվականի հաշվառման (չափագրման) տվյալների մուտքագրման տեղեկանքը (չափագրման տվյալների մուտքագրման ծածկագիր։ 2023CPNKFX, 2025U8GL6Y), ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Նորմատիվ իրավական ակտերի մասին» ՀՀ օրենքի 33-րդ, 34-րդ  հոդվածներով որոշում եմ.

Վանաձոր համայքի ղեկավարի 17 ապրիլի 2025 թվականի «Վանաձոր համայնքի Վանաձոր քաղաքի Ամիրյան փողոցի 5 շենքի դիմացի մասում գտնվող ինքնակամ կառուցված ավտոտնակի, և դրանով զբաղեցված հողամասի նկատմամբ Վանաձոր համայնքի սեփականությունը ճանաչելու, ավտոտնակը օրինականացնելու և փոստային հասցե տրամադրելու մասին» թիվ 931 որոշման մեջ կատարել հետևյալ  փոփոխությունները․

1.Որոշման 1–ին կետը խմբագրել հետևյալ նոր բովանդակությամբ « 1. Ճանաչել Վանաձոր համայնքի սեփականության իրավունքը Վանաձոր համայնքի Վանաձոր քաղաքի Ամիրյան փողոց 5 շենքի  դիմացի մասում գտնվող ինքնակամ կառուցված, ՀՀ քաղաքացիական օրենսգրքի 188-րդ հոդվածի 5-րդ մասով սահմանված օրինականացման պայմաններին համապատասխանող 27.5 քմ ընդհանուր արտաքին մակերեսով (ընդհանուր ներքին մակերեսը՝ 21.6քմ) ավտոտնակի և դրանով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 23.5 քմ մակերեսով հողամասի նկատմամբ` համաձայն հատակագծի:»

2. 17․04․2025թ․ Վանաձոր համայնքի ղեկավարի թիվ 931 որոշման հավելվածը փոխարինել համայնքի ղեկավարի կողմից հաստատված նոր հավելվածով։