Հիմքը ընդունելով 29 օգոստոսի 2024 թվականի 1983 որոշումը,  ղեկավարվելով «Նորմատիվ իրավական ակտերի մասին» ՀՀ օրենքի 33-րդ, 34-րդ հոդվածներով` որոշում եմ.

Վանաձոր համայնքի ղեկավարի  29 օգոստոսի 2024 թվականի «Վանաձոր համայնք, գյուղ Գուգարք 2-րդ փողոց թիվ 52 հասցեում գտնվող բնակելի տան զբաղեցրած հողամասերի ճշտված սահմանները հաստատելու մասին» թիվ 1983 որոշման  մեջ կատարել հետևյալ   լրացումները․

1․ Որոշման վերնագիրը «հաստատելու» բառից հետո լրացնել «և Ռուբեն Էդիկի Մաշակարյանին սեփականության իրավունքով պատկանող հողամասում ինքնակամ կառուցված բնակելի նշանակության շինություններն օրինականացնելու» բառերով։

2․ Որոշման նախաբանը «698-Ն որոշումով» բառերից հետո լրացնել «ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 9-րդ, 10-րդ, 11-րդ, 17-րդ կետերով, 18-րդ կետի ա) ենթակետով,» բառերով։

3․ Որոշումը «Հաստատել» բառից առաջ լրացնել «1․» թվով։

4․ Որոշումը լրացնել հետևյալ բովանդակությամբ նոր 2-րդ կետով․

«Ճանաչել օրինական Վանաձոր համայնք, գյուղ Գուգարք 2-րդ փողոց, 52  հասցեում գտնվող, Ռուբեն Էդիկի Մաշակարյանին սեփականության իրավունքով պատկանող հողամասում այլ անձանց իրավունքները և օրենքով պահպանվող շահերը չխախտող, քաղաքացիների կյանքին ու առողջությանը վտանգ չսպառնացող, ինժեներատրանսպորտային օբյեկտների օտարման կամ անվտանգության գոտիներից դուրս, առանց քաղաքաշինական նորմերի ու կանոնների էական խախտումների իրականացված և հարկադիր սերվիտուտ պահանջելու իրավունք չառաջացնող ինքնակամ կառուցված 81․12քմ ընդհանուր մակերեսով բնակելի նշանակության շինությունները՝ համաձայն համայնքի ղեկավարի կողմից հաստատված հատակագծի:» բառերով։

5․ Որոշումը լրացնել հետևյալ բովանդակությամբ նոր 3-րդ կետով․  

«Ռուբեն Էդիկի Մաշակարյանի կողմից օրինականացման համար սահմանված վճարը` 81․12քմ ընդհանուր մակերեսով բնակելի նշանակության շինությունների համար՝ 115353 (հարյուր տասնհինգ հազար երեք հարյուր հիսուներեք) դրամ գումարը 60-օրյա ժամկետում չվճարելու դեպքում սույն որոշումը կհամարվի ուժը կորցրած:» բառերով։