Հիմք ընդունելով Պարգև Մուրադի Խաչատրյանի 02.12.2024թ. թիվ 02/20324 դիմումը, 18․02․1993թ. տրված գույքային թերթը, 28․07․2023 թվականին տրված ըստ օրենքի ժառանգության իրավունքի թիվ 4343 /նոտարական ակտի կոդ։ 843-20230728-84-7154425/ և թիվ 4342 /նոտարական ակտի կոդ։ 843-20230728-84-7154421/ վկայագրերը, հանրային ծառայություններ մատուցող կազմակերպությունների եզրակացությունները, «Վանաձորի նախագծող» ՍՊԸ-ի կողմից 03.03.2025թ. տրված շինությունների տեխնիկական վիճակի վերաբերյալ թիվ ՎՆ 1-39/25/Ի եզրակացությունը, անշարժ գույքերի հասցեներ տրամադրելու մասին որոշման /224028/ քաղվածքը, «Տարոն Սերոբյան» ԱՁ-ի կողմից տրված հողամասի և շինությունների հատակագիծը, շինությունների բնութագիրը և հաշվի առնելով այն, որ Վանաձոր քաղաքի Հակոբյան փողոց թիվ 9 հասցեի բնակելի տան կառուցման և սպասարկման համար անհրաժեշտ օրինական 79․0 մակերեսով հողամասը, դրա վրա կառուցված բնակելի նշանակության շինությունները չեն գտնվում ՀՀ հողային օրենսգրքի 60-րդ հոդվածով սահմանված հողամասերի և ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ: Բնակելի տունը կառուցվել է 1963-1993թթ-ին, դրա զբաղեցրած և սպասարկման համար անհրաժեշտ հողամասի մակերեսը փաստացի կազմում է 79․0քմ:
Ղեկավարվելով 10.06.2008թ. «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքով, ՀՀ կառավարության 2021 թվականի փետրվարի 25-ի թիվ 233-Ն որոշմամբ հաստատված կարգի 29-րդ կետի 4-րդ ենթակետով՝ որոշում եմ.
1. Ճանաչել Պարգև Մուրադի Խաչատրյանի սեփականության իրավունքը Վանաձոր քաղաքի Հակոբյան փողոց թիվ 9 հասցեի 79․0քմ մակերեսով հողամասի վրա գտնվող բնակելի նշանակության բոլոր շինությունների նկատմամբ։
2. Հաստատել Վանաձոր համայնքի, Վանաձոր քաղաքի Հակոբյան փողոց թիվ 9 հասցեում գտնվող 0․00790հա մակերեսով հողամասի ճշտված սահմանները՝ համաձայն համայնքի ղեկավարի կողմից հաստատված հատակագծի: Հողամասի սահմանները որոշվում են համայնքի ղեկավարի կողմից հաստատված հատակագծով:
3. Վանաձոր համայնք Վանաձոր քաղաքի Հակոբյան փողոց թիվ 9 հասցեում գտնվող գույքին տրամադրել նոր փոստային հասցե` Վանաձոր համայնք Վանաձոր ք., Հ.Հակոբյան փողոց, 9 բնակելի տուն: