Հիմք ընդունելով Վանաձոր համայնքի ավագանու 07 հունիսի 2016 թվականի թիվ 33-Ն որոշմամբ հաստատված կարգը, ղեկավարվելով «Բյուջետային համակարգի մասին» ՀՀ օրենքի 35-րդ հոդվածի 2-րդ մասով, «Տեղական ինքնակառավարման մասին» ՀՀ օրենքի 11-րդ, 37-րդ հոդվածի 1-ին մասի 3-րդ կետով, 84-րդ հոդվածի 2-րդ մասով, «Նորմատիվ իրավական ակտերի մասին» ՀՀ օրենքի 4-րդ հոդվածով` որոշում եմ. 

1. Վանաձոր համայնքի ղեկավարի 2024 թվականի բյուջեի կատարման տարեկան հաշվետվությունը և 2024 թվականի տարեկան աշխատանքային պլանի հաշվետվությունը ներկայացնել հանրային բաց լսումների և (կամ) քննարկումների 2025 թվականի հունվարի 31-ից մինչև 2025 թվականի փետրվարի 18-ն ընկած ժամանակահատվածում:

2. Համայնքապետարանի պաշտոնական ինտերնետային կայք էջում տեղադրել հանրային բաց լսումների և (կամ) քննարկումների հրավեր, ինչպես նաև այն փակցնել համայնքի ղեկավարի նստավայրում՝ բոլորի համար մատչելի ու տեսանելի տեղում:

3. Հանրային բաց լսումների և (կամ) քննարկումների օր նշանակել 2025 թվականի փետրվարի 18-ը ժամը 11։00-ին:

4. Համայնքի ղեկավարի 2024 թվականի բյուջեի կատարման տարեկան հաշվետվության և 2024 թվականի տարեկան աշխատանքային պլանի հաշվետվության վերաբերյալ հանրային բաց լսումների և (կամ) քննարկումների վարման համար համայնքի ղեկավարի ներկայացուցիչ նշանակել համայնքապետարանի աշխատակազմի ֆինանսատնտեսագիտական բաժնի պետ Վահե Գրիգորյանին։