Հիմք ընդունելով Շալիկո Արշոյի Փահլևանյանի դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 21052024-06-0019 վկայականը, 26․04․2023թ․ Վանաձոր համայնքի ավագանու թիվ 33 որոշումը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.
1. Վանաձոր քաղաքի Աղայան փողոց 59/21 հասցեում գտնվող, Վանաձոր համայնքի սեփականությունը ճանաչված 20․46քմ մակերեսով ավտոտնակը 55760 (հիսունհինգ հազար յոթ հարյուր վաթսուն) դրամով և դրանով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 20․46քմ մակերեսով հողամասը 215120 (երկու հարյուր տասնհինգ հազար հարյուր քսան) դրամով, ուղղակի վաճառքի ձևով օտարել Շալիկո Արշոյի Փահլևանյանին:
2. Վանաձոր համայնքի ղեկավարին` Շալիկո Արշոյի Փահլևանյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր, իսկ աշխատակազմի եկամուտների հավաքագրման, հաշվառման և գովազդի բաժնին հաշվառել վերոնշյալ պայմանագիրը։
3.Ուժը կորցրած ճանաչել Վանաձոր համայնքի ղեկավարի 29 հուլիսի 2024թ․ «Վանաձոր քաղաքի Աղայան փողոց թիվ 59/21 հասցեում գտնվող, Վանաձոր համայնքի սեփականությունը ճանաչված ավտոտնակը և դրանով զբաղեցված հողամասը Շալիկո Արշոյի Փահլևանյանին օտարելու մասին» թիվ 1741 որոշումը։