Հիմք ընդունելով Գերասիմ Աքսենդոյի Անդրեասյանի դիմումը, հանրային ծառայություններ մատուցող կազմակերպությունների եզրակացությունները, 30․07․2024թ. տրված թիվ 5101 (նոտարական ակտի կոդ: 594-20240801-66-8180504), թիվ 5246 (նոտարական ակտի կոդ: 594-20240801-66-8191431) և թիվ 5245 (նոտարական ակտի կոդ: 594-20240801-66-8191423) հայտարարությունները, 25․07․2024թ. «Վանաձորի նախագծող» ՍՊԸ-ի կողմից տրված շինությունների տեխնիկական վիճակի վերաբերյալ թիվ ՎՆ1-245/24 Ի եզրակացությունը, անշարժ գույքերի հասցեներ տրամադրելու մասին որոշման քաղվածքը, ՏԱՐՈՆ ՎԱՐԴԱՆՅԱՆ ԱՁ-ի կողմից տրված հողամասի, շինությունների հատակագիծը, շինությունների բնութագիրը և հաշվի առնելով այն, որ Վանաձոր քաղաքի Չուխաջյան փողոց թիվ 28 (պայմանական) հասցեում գտնվող բնակելի տունը և դրա զբաղեցրած ու սպասարկման համար անհրաժեշտ 103․3քմ մակերեսով հողամասը չեն գտնվում ՀՀ հողային օրենսգրքի 60-րդ հոդվածով սահմանված հողամասերի և ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ: Բնակելի տունը կառուցվել է 1999թ., դրա կառուցման և սպասարկման համար անհրաժեշտ 103․3քմ մակերեսով հողամասը զբաղեցվել և շահագործվում է սկսած 1999թ.-ից:
Ղեկավարվելով 10.06.2008թ. «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքով, ՀՀ կառավարության 2021թ. փետրվարի 25-ի թիվ 233-Ն որոշմամբ հաստատված կարգի 29-րդ կետի 1-ին ենթակետով՝ որոշում եմ.
1. Ճանաչել Գերասիմ Աքսենդոյի Անդրեասյանի սեփականության իրավունքը մինչև 2001թ. մայիսի 15-ը Վանաձոր քաղաքի Չուխաջյան փողոց թիվ 28 (պայմանական) հասցեում կառուցված իրավունք հաստատող փաստաթղթերը չպահպանված անհատական բնակելի տան կառուցման և սպասարկման համար անհրաժեշտ 103․3քմ մակերեսով հողամասի և դրա վրա գտնվող բնակելի նշանակության բոլոր շինությունների նկատմամբ:
2. Հողամասի սահմանները որոշվում են համայնքի ղեկավարի կողմից հաստատված հատակագծով:
3. Վանաձոր քաղաքի Չուխաջյան փողոց թիվ 28 գտնվող բնակելի տանը տրամադրել փոստային հասցե` Վանաձոր համայնք, Վանաձոր ք., Տ․ Չուխաջյան թաղամաս, 28/9 բնակելի տուն։