Հիմք ընդունելով  «ՍԱՐՖԻՆ» ՍՊԸ-Ի տնօրեն Ավետիք Արամայիսի Աբազյանի դիմումը ,  հանրային ծառայություններ մատուցող կազմակերպությունների եզրակացությունները, 29․11․2023թ․ Վանաձոր համայնքի ավագանու թիվ 46 որոշումը, ԱՐՍԵՆ ԻՍԱՀԱԿՅԱՆ ՌՈՒԴԻԿԻ ԱՁ-ի կողմից տրված հողամասի և շինությունների հատակագծերը, շինությունների բնութագիրը, ՀՀ կադաստրի կոմիտեի 21․12․2023 թվականին տրված  տրված հաշվառման (չափագրման) տվյալների մուտքագրման տեղեկանքը (չափագրման տվյալների մուտքագրման ծածկագիր: 2023Q7JRAJ), հասցեներ տրամադրելու մասին որոշման քաղվածքը, ղեկավարվելով  ղեկավարվելով ՀՀ հողային օրենսգրքի 3-րդ հոդվածի 1-ին մասի 1-ին կետով, 8-րդ հոդվածի 1-ին մասով, «Տեղական ինքնակառավարման մասին» ՀՀ օրենքի 43-րդ հոդվածի 1-ին մասի 4-րդ կետով, «Քաղաքաշինության մասին» ՀՀ օրենքի 14³-րդ հոդվածի 11, 12, 13, 14 մասերով,ՀՀ կառավարության 2006թ. մայիսի 18-ի թիվ 731-Ն որոշմամբ հաստատված կարգով, ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 33-րդ կետով, ՀՀ կառավարության 2021թ. փետրվարի 25-ի թիվ 233-Ն որոշմամբ հաստատված կարգի 29-րդ կետի 1-ին ենթակետով՝ որոշում եմ.

1․Փոխել Վանաձոր քաղաքի Շիրակացու փողոց 17 հասցեի հարևանությամբ ինքնակամ կառուցված պարիսպի զբաղեցրած և սպասարկման համար անհրաժեշտ 06-001-0283-0027 կադաստրային ծածկագրից  0․051602 հա մակերեսով հողամասի գործառնական նշանակությունը՝ բնակավայրերի այլ հողերից՝  հասարակական կառուցապատման հողերի և 06-001-0283-0009 կադաստրային ծածկագրից 0․001609 հա մակերեսով հողամասի գործառնական նշանակությունը՝ բնակավայրերի բնակելի հողերից՝  հասարակական կառուցապատման հողերի:

2. Ճանաչել Վանաձոր համայնքի սեփականության իրավունքը Վանաձոր քաղաքի  Շիրակացու փողոցի թիվ 17 հասցե հարևանությամբ գտնվող ինքնակամ կառուցված, ՀՀ քաղաքացիական օրենսգրքի 188-րդ հոդվածի 5-րդ մասով սահմանված օրինականացման պայմաններին համապատասխանող 26․57 քմ ընդհանուր մակերեսով հասարակական նշանակության պարիսպը , և դրանցով զբաղեցված ու սպասարկման համար անհրաժեշտ, ՀՀ հողային օրենսգրքի 60-րդ հոդվածով սահմանված հողամասերի թվին չդասվող 0․053211 հա  մակերեսով հողամասի նկատմամբ` համաձայն հատակագծի:

3․5-օրյա ժամկետում դիմել ՀՀ կադաստրի կոմիտեի Լոռու մարզային ստորաբաժանում` սույն որոշման 2-րդ կետում նշված ինքնակամ կառուցված շինությունների և դրանցով զբաղեցված ու սպասարկման համար անհրաժեշտ հողամասի նկատմամբ համայնքի սեփականության իրավունքի պետական գրանցում կատարելու համար:

4. Վանաձորի համայնքապետարանի աշխատակազմի ճարտարապետության և քաղաքաշինության բաժնի պետ-գլխավոր ճարտարապետ Ս. Աբովյանին` սույն որոշման 2-րդ կետում նշված գույքի նկատմամբ համայնքի սեփականության իրավունքի գրանցումից հետո 15 աշխատանքային օրվա ընթացքում գրավոր առաջարկել սույն որոշման 2-րդ կետում նշված շինությունների ինքնակամ կառուցումը իրականացրած անձին շինությունները և հողամասը ուղղակի վաճառքի ձևով օտարելու վերաբերյալ:

5․  Սույն որոշման 2-րդ կետում նշված գույքին տրամադրել փոստային հասցե` Վանաձոր համայնք Վանաձոր ք., Ֆիդայիների փողոց, 19/1  պարիսպ։