Ծնվել է 1973 թվականի դեկտեմբերի 24-ին Սպիտակի շրջանի Սարամեջ գյուղում:

1990թ. ոսկե մեդալով ավարտել է Կիրովականի Վահան Տերյանի անվան թիվ 5 միջնակարգ դպրոցը:

1988-1990թթ. աշխատել է Կիրովական քաղաքի պատանի բնասերների փորձակայանում՝ որպես բանվոր:

1990-1991թթ. աշխատել է Կիրովականի թիվ 5 միջնակարգ դպրոցում՝ որպես լաբորանտ:

1991-1996թթ. սովորել է Երևանի պետական համալսարանի իրավագիտության ֆակուլտետում, ստացել իրավաբան-իրավագետի որակավորում:

1996-1998թթ. ծառայել է ՀՀ զինված ուժերում՝ որպես վաշտի հրամանատարի տեղակալ, պահեստազորի սպա է:

1998-1999թթ. դասավանդել է Վանաձորի «Մխիթար Գոշ» համալսարանում:

1999թ. աշխատել է Վանաձորի քաղաքապետարանում՝ որպես իրավաբան:

1999-2007թթ. աշխատել է Սպիտակ քաղաքի նոտարական գրասենյակում՝ որպես նոտար:

2007-2016թթ. աշխատել է ՀՀ արդարադատության նախարարության Լոռու մարզի «Վանաձոր» նոտարական տարածքի նոտար:

2012-2014թթ. եղել է ՀՀ նոտարական պալատի նախագահ, ՀՀ արդարադատության նախարարությանը կից հանրային խորհրդի անդամ:

Մի շարք մասնագիտական հոդվածների և հրապարակումների հեղինակ է: Գործունեության ընթացքում արժանացել է մի շարք պարգևների և խրախուսանքների:

«Մաշտոց» կրթամշակութային կենտրոն հասարակական կազմակերպության նախագահության անդամ է, որի կողմից 2015թ. պարգևատրվել է «Ամենայն Հայոց Կաթողիկոս Վազգեն Առաջին» մեդալով:

2016թ. հոկտեմբերի 10-ին ընտրվել  է Վանաձոր համայնքի ղեկավար:

ՀՀԿ անդամ է:

Ամուսնացած է, ունի երկու որդի:

հեռ՝ (+374 322) 2 26 48,  (+374 60) 65 04 04,  (+374 60) 65 00 40

ֆաքս՝ (+374 322) 2-22-50

էլ.փոստ՝ info@vanadzor.am, vanadzor.lori@mta.gov.am

Վեբ կայք՝ www.vanadzor.am