Ծնվել է 1979թ․ Կիրովականում՝ մանկավարժների ընտանիքում։
Միջնակարգ կրթությունն ստացել է Վանաձորիթիվ 8 դպրոցում։
1996թ․ ընդունվել է ՎՊՄԻ-ի պատմաաշխարհագրական ֆակուլտետի պատմության բաժինը, որն ավարտել է գերազանցության դիպլոմով։
1998-2001թթ․ ղեկավարել է ՎՊՄԻ-ի Ուսանողական խորհուրդը:
1999թ. գլխավորել է «Վանաձորի քաղաքային ուսանողական խորհուրդ» հասարակական կազմակերպությունը, որը ներառում էր այդ ժամանակ քաղաքում գործող բոլոր բարձրագույն և միջին մասնագիտական ուսումնական հաստատությունների ուսխորհուրդները։
2001-2003 թթ․ ծառայել է ՀՀ զինված ուժերում`որպես դասակի հրամանատար։ Հենակետի պատասխանատուի պաշտոնով մարտական հերթապահություն է կազմակերպել հայ-ադրբեջանական սահմանային հատվածներից մեկում։ Զորացրվել է ՀՀ Զինված ուժերի պահեստազորի սպայի կոչումով։
2003 թ․-ից նախ մանկավարժություն, ապա պատմություն է դասավանդում ՎՊՀ-ում։ 2007-2008թթ. եղել է մանկավարժության ֆակուլտետի փոխդեկան: Հեղինակել է շուրջ երկու տասնյակգիտական հոդվածներ։ Անցել է մի շարք մասնագիտական վերապատրաստումներ, այդ թվում՝ ԱՄՆ-ում։
2016-2021թթ․ աշխատել է որպես Վանաձոր համայնքի ղեկավարի տեղակալ։
2021թ. ընտրվել է Վանաձոր համայնքի ավագանու անդամ:
2022թ․ մայիսի 17-ին նշանակվել է համայնքի ղեկավարի գլխավոր խորհրդականի պաշտոնում։
Ամուսնացած է, ունի երկու դուստր։