1. ՀՀ Վանաձոր համայնքի ղեկավարի որոշման կարգավորման առարկան.
Աիդա Ցոլակի Ամիրյանի դիմումի հիման վրա ՀՀ Լոռու մարզի Վանաձորի համայնքապետարանի աշխատակազմի ճարտարապետության և քաղաքաշինության բաժնի կողմից 23.09.2019 թվականին կազմվել է արձանագրություն և զեկուցագիր, որի հիման վրա «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով հարուցվել է վարչական վարույթ` Աշխեն Գենադիի Հարությունյանի կողմից «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասի հատկանիշներով նախատեսված վարչական իրավախախտում կատարելու հիմքով:
«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.
2. Վարչական ակտ ընդունելու համար հիմք հանդիսացող փաստերը.
ՀՀ Լոռու մարզի Վանաձորի համայնքապետարանի աշխատակազմի ճարտարապետության և քաղաքաշինության բաժնի կողմից 23.09.2019 թվականին տրված արձանագրության և զեկուցագրի համաձայն՝ Աշխեն Գենադիի Հարությունյանը (հասցե՝ ք. Վանաձոր, Մ. Հերացու փող. 12տ) Վանաձոր քաղաքի Նիզամու փողոցի թիվ 55/13-1 հասցեի բնակելի տան հյուսիսարևելյան մասում ինքնակամ կառուցել է երկաթբետոնե կարկաս, որը «Վարչական իրավախախտումների վերաբերյալ» ՀՀ օրենսգրքի 154-րդ հոդվածի 1-ին մասով նախատեսված արարք է:
2019 թվականի սեպտեմբերի 23-ին հարուցված վարչական վարույթի հիման վրա 2019 թվականի հոկտեմբերի 07-ին հրավիրվել են վարչական վարույթի լսումներ, որին մասնակցելու նպատակով ծանուցվել էին Աշխեն Հարությունյանը և Աիդա Ամիրյանը:
Վարչական վարույթի լսումներին ներկայացել էր Աիդա Ամիրյանը: 24.09.2019 թվականին Աշխեն Հարությունյանին ուղարկված ծրարի հետադարձ ծանուցումը առկա չէ:
07.10.2019 թվականին կազմված արձանագրության համաձայն Աշխեն Հարությունյանը հայտնեց, որ Նիզամու փողոցի թիվ 55/13-1 հասցեի բնակելի տան տանիքում կառուցված շինությունը լրիվ փակում է իր բնակելի տան երկու ննջասենյակների պատուհանները և խանգարում է լույս թափանցելուն: Բացի այդ Աիդա Ամիրյանը պարտավորվեց ներկայացնել համապատասխան փորձագիտական եզրակացություն:
3. Վարչական ակտ ընդունելու հիմնավորումը.
«Վարչարարության հիմունքների և վարչական վարույթի մասին» ՀՀ օրենքի 49-րդ հոդվածի 1-ին մասի «բ» կետի համաձայն` վարչական մարմինը պարտավոր է կասեցնել վարչական վարույթը, եթե՝ վարույթին չի ներկայացել վարչական ակտի հասցեատերը, իսկ օրենքը բացառում է առանց նրա ներկայության համապատասխան վարչական ակտ ընդունելը:
Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Վարչարարության հիմունքների և վարչական վարույթի մասին» ՀՀ օրենքի 15-րդ հոդվածի 1-ին մասով, 49-րդ հոդվածի 1-ին մասի «բ» կետով, 53-րդ և 58-60-րդ հոդվածներով՝
ՈՐՈՇԵՑԻ
1. Աշխեն Գենադիի Հարությունյանի վերաբերյալ վարչական վարույթը կասեցնել:
2. Սույն որոշումն ուժի մեջ է մտնում վարչական ակտի հասցեատիրոջն իրազեկելուն հաջորդող օրվանից:
3. Որոշումը կարող է բողոքարկվել վարչական կարգով համայնքի ղեկավարին և դատական կարգով ՀՀ վարչական դատարան` երկամսյա ժամկետում:
4. Սույն որոշման կատարման ընթացքի նկատմամբ հսկողությունն իրականացնում է Վանաձոր համայնքի ղեկավարը: