Հիմք ընդունելով Աստղիկ Ադիբեկի Խուդինյանի դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 18062019-06-0025 վկայականը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 33.1-րդ կետի բ) ենթակետով, 33.2-րդ և 34.2-րդ կետերով, 35-րդ կետի դ) և ե) ենթակետերով՝ որոշում եմ.
1. Վանաձոր քաղաքի Չուխաջյան փողոցի թիվ 24/21-1 հասցեում գտնվող, Վանաձոր համայնքի սեփականությունը ճանաչված 6.72քմ արտաքին մակերեսով տաղավարը 11424 (տասնմեկ հազար չորս հարյուր քսանչորս) դրամով և դրանով զբաղեցված և սպասարկման համար անհրաժեշտ 11.9քմ մակերեսով հողամասից 11.72քմ մակերեսով հողամասը կադաստրային արժեքով՝ 22433 (քսաներկու հազար չորս հարյուր երեսուներեք) դրամով, իսկ հասարակական նշանակության կառույցների համար՝ ինքնակամ կառույցով զբաղեցված տարածքի մակերեսի կրկնակի չափից ավելի տրամադրված 0.18քմ մակերեսով հողամասը հողամասի կադաստրային արժեքի եռապատիկի չափով՝ 1034 (հազար երեսունչորս) դրամով ուղղակի վաճառքի ձևով օտարել Աստղիկ Ադիբեկի Խուդինյանին:
2. Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին` Աստղիկ Ադիբեկի Խուդինյանի հետ ՀՀ օրենսդրությամբ սահմանված կարգով կնքել տաղավարի և հողամասի առուվաճառքի պայմանագիր: