Հիմք ընդունելով Աննա Սերյոժայի Մաթևոսյանի և Արեն Սերյոժայի Արսենյանի դիմումը, անշարժ գույքի նկատմամբ իրավունքների պետական գրանցման թիվ 20092016-06-0023 վկայականը, «ԻՆԷՔՍ» ՍՊԸ-ի կողմից տրված հողամասի և շինությունների հատակագիծն ու բնութագիրը, ղեկավարվելով ՀՀ կառավարության 02 փետրվարի 2002 թվականի թիվ 88 որոշումով, ՀՀ կառավարության 18 մայիսի 2006 թվականի թիվ 912-Ն որոշմամբ հաստատված կարգի 26-րդ, 27-րդ, 28-րդ, 31-րդ կետերով և 32-րդ կետի բ) ենթակետով, ՀՀ կառավարության 29 դեկտեմբերի 2005 թվականի թիվ 2387-Ն որոշմամբ հաստատված կարգի 29-րդ կետի դ) ենթակետով` որոշում եմ.
1. Ճանաչել օրինական Աննա Սերյոժայի Մաթևոսյանին և Արեն Սերյոժայի Արսենյանին ընդհանուր համատեղ սեփականության իրավունքով պատկանող, այլ անձանց իրավունքները և օրենքով պահպանվող շահերը չխախտող, քաղաքացիների կյանքին ու առողջությանը վտանգ չսպառնացող, առանց քաղաքաշինական նորմերի ու կանոնների էական խախտումների իրականացված և հարկադիր սերվիտուտ պահանջելու իրավունք չառաջացնող, Վանաձոր քաղաքի Բաթումի փողոցի թիվ 15-13 հասցեում գտնվող շինության երկրորդ հարկում ինքնակամ իրականացված թվով 7 ձևափոխումները:
2. Սույն որոշման 1-ին կետում նշված թվով 7 ինքնակամ ձևափոխումների օրինականացման համար սահմանված վճարը` 18200 (տասնութ հազար երկու հարյուր) դրամ գումարները 60-օրյա ժամկետում չվճարելու դեպքում սույն որոշումը կհամարվի ուժը կորցրած:
3. Փոխել Վանաձոր քաղաքի Բաթումի փողոցի թիվ 15-13 հասցեում գտնվող շինության երկրորդ հարկի 120.7քմ արտաքին մակերեսով (ներքին մակերեսը` 105.83քմ) շինության գործառնական նշանակությունը՝ ավտոտնակից որպես բնակելի գործառնական նշանակությամբ շինություն` բնակելի տուն:
4. Վանաձորի համայնքապետարանի աշխատակազմի բնակարանային տնտեսության և համատիրությունները համակարգող բաժնին` սույն որոշման 3-րդ կետում նշված գույքը ընդգրկել բնակարանային ֆոնդում:
5. Շինության գործառնական նշանակության փոփոխության համար շինարարության թույլտվություն չի պահանջվում:
6. Վանաձոր քաղաքի Բաթումի փողոցի թիվ 15-13 հասցեում գտնվող գույքին տրամադրել նոր փոստային հասցե՝ ք. Վանաձոր, Բաթումի փողոց, թիվ 15-13 ավտոտնակ և բնակելի տուն: