Հիմք ընդունելով Հայաստանի արհմիությունների կոնֆեդերացիա գործկոմի 26.06.2019թ.-ի թիվ 9-1 որոշումը, անշարժ գույքի սեփականության (օգտագործման) իրավունքի գրանցման թիվ 1176428 վկայականը, ղեկավարվելով ՀՀ քաղաքացիական օրենսգրքի 594-րդ հոդվածով, «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 42-րդ կետով՝ Վանաձոր համայնքի ավագանին որոշում է.
1. Ընդունել Վանաձոր համայնքի վարչական տարածքում գտնվող «Հայաստանի արհմիությունների կոնֆեդերացիա» արհեստակցական կազմակերպությունների հանրապետական միությանը սեփականության իրավունքով պատկանող ք. Վանաձոր, Նաիրի փողոցի թիվ 4 հասցեում գտնվող տուրիստական բազայի և դրանով զբաղեցրած ու սպասարկման համար անհրաժեշտ հողամասի նվիրատվությունը:
2. Վանաձոր համայնքի ղեկավարին` «Հայաստանի արհմիությունների կոնֆեդերացիա» արհեստակցական կազմակերպությունների հանրապետական միության հետ կնքել նվիրատվության պայմանագիր:
3. Սույն որոշման 1-ին կետում նշված գույքի նվիրատվության պայմանագրի նոտարական վավերացման և պայմանագրից ծագող գույքային իրավունքների պետական գրանցման հետ կապված ծախսերը կատարել Վանաձոր համայնքի բյուջեի միջոցների հաշվին: