Հիմք ընդունելով Գագիկ Գուրգենի Մկրտումյանի դիմումը, անշարժ գույքի նկատմամբ իրավունքների պետական գրանցման թիվ 22112017-06-0004 վկայականը, «ԻՆԷՔՍ» ՍՊԸ-ի կողմից տրված շինությունների հատակագիծն ու բնութագիրը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 26-րդ, 31-րդ կետերով և 32-րդ կետով` որոշում եմ. 

1. Ճանաչել օրինական Գագիկ Գուրգենի Մկրտումյանի սեփականության իրավունքով պատկանող, այլ անձանց իրավունքները և օրենքով պահպանվող շահերը չխախտող, քաղաքացիների կյանքին ու առողջությանը վտանգ չսպառնացող, առանց քաղաքաշինական նորմերի ու կանոնների էական խախտումների իրականացված և հարկադիր սերվիտուտ պահանջելու իրավունք չառաջացնող, Վանաձոր քաղաքի Գր. Լուսավորիչ փողոցի թիվ 37 շենքի թիվ 2 բնակարանում ինքնակամ իրականացված թվով 4 ձևափոխումները: 
2. Սույն որոշման 1-ին կետում նշված թվով 4 ինքնակամ ձևափոխումների օրինականացման համար սահմանված վճարը` 10400 (տասը հազար չորս հարյուր) դրամ գումարները 60-օրյա ժամկետում չվճարելու դեպքում սույն որոշումը կհամարվի ուժը կորցրած: