Հիմք ընդունելով Արամ Շվարցի Կոծինյանի և Արմեն Շվարդի Կոծինյանի 25․12․2023 թվականի թիվ 02/23165 դիմումը, 10․01․96 թվականին տրված սեփականության վկայագիրը, 20․03․2024 թվականին տրված «Վանաձորի Նախագծող» ՍՊԸ-ի կողմից տրված շինությունների տեխնիկական վիճակի վերաբերյալ թիվ ՎՆ1-122/24 Ի եզրակացությունը, հանրային ծառայություններ մատուցող կազմակերպությունների եզրակացությունները, անշարժ գույքերի հասցեներ տրամադրելու մասին որոշման քաղվածքը,29․12․2023 թվականի ՀՀ կադաստրի կոմիտեի հաշվառման/չափագրման / տվյալների մուտքագրման տեղեկանքը /ծածկագիրը 2023W3JCYZ/, «Արսեն Իսահակյան Ռուդիկի» ԱՁ-ի կողմից տրված հողամասի և շինությունների հատակագիծը, շինությունների բնութագիրը, և հաշվի առնելով այն, որ Վանաձոր քաղաքի Նժդեհի փողոց թիվ 23 հասցեի բնակելի տան կառուցման և սպասարկման համար անհրաժեշտ օրինական 434․0 քմ և հողամասին կից 15,26 քմ մակերեսներով հողամասերը, դրանց վրա կառուցված բնակելի նշանակության շինությունները չեն գտնվում ՀՀ հողային օրենսգրքի 60-րդ հոդվածով սահմանված հողամասերի և ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ: Անհատական բնակելի տունը կառուցվել է 1953-1999 թթ բնակելի տան զբաղեցրած և սպասարկման համար անհրաժեշտ հողամասի մակերեսը փաստացի կազմում է 449․26 քմ ։
Ղեկավարվելով՝ ՀՀ քաղաքացիական օրենսգրքի 198-րդ և 199-րդ հոդվածներով, 10.06.2008թ. «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքով, ՀՀ կառավարության 2021թ. փետրվարի 25-ի թիվ 233-Ն որոշմամբ հաստատված կարգի 29-րդ կետի 4-րդ ենթակետով՝ որոշում եմ.
1. Ճանաչել Արամ Շվարցի Կոծինյանի և Արմեն Շվարդի Կոծինյանի ընդհանուր համատեղ սեփականության իրավունքը Վանաձոր համայնքի Վանաձոր քաղաքի Նժդեհի փողոց 23 հասցեի բնակելի տան կառուցման և սպասարկման համար անհրաժեշտ օրինական 434․0 քմ հողամասին կից 15․26 քմ մակերեսներով մակերեսով հողամասի նկատմամբ։
2․ Ճանաչել Արամ Շվարցի Կոծինյանի և Արմեն Շվարդի Կոծինյանի ընդհանուր համատեղ սեփականության իրավունքը Վանաձոր համայնքի Վանաձոր քաղաքի Նժդեհի փողոց 23 հասցեի բնակելի տան կառուցման և սպասարկման համար անհրաժեշտ 449․26 քմ մակերեսով հողամասի և նրա վրա գտնվող բնակելի նշանակության բոլոր շինությունների նկատմամբ։
3․ Սույն որոշման 1-ին կետում նշված գույքին տրամադրել փոստային հասցե՝ Վանաձոր համայնք Վանաձոր ք․ Նժդեհի փողոց, 23 բնակելի տուն։