1. Վարչական ակտի առարկան.

ՀՀ Լոռու մարզի Վանաձորի համայնքապետարանի աշխատակազմի ճարտարապետության և քաղաքաշինության բաժնի կողմից 21.08.2018 թվականին և 23.08.2018 թվականին տրված զեկուցագրերի և արձանագրությունների հիման վրա «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» կետի հիմքով հարուցվել է վարչական վարույթ՝ Վրեժ Վարոսյանի, Ոսկիհատ Սարգսյանի, Արամայիս Սարգսյանի և Վոլոդյա Բագոյանի կողմից «Վարչական իրավախախտումների վերաբերյալ» ՀՀ օրենսգրքի 48-րդ հոդվածի և 154-րդ հոդվածի 1-ին մասի հատկանիշներով նախատեսված վարչական իրավախախտումներ կատարելու հիմքով:

«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական իրավախախտման վերաբերյալ գործի քննության ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է համարում հետևյալը.

2. Վարչական ակտ ընդունելու համար հիմք հանդիսացող փաստերը.

Վանաձորի համայնքապետարանի աշխատակազմի ճարտարապետության և քաղաքաշինության բաժնի կողմից 21.08.2018 թվականին և 23.08.2018 թվականին տրված զեկուցագրերի և արձանագրությունների համաձայն.

1. Վրեժ Ռոստոմի Վարոսյանը (անձնագիր՝ AM 0590146, հասցե՝ ք. Վանաձոր, Բաթումի փող. թիվ 17/37) Բաթումի փողոցի թիվ 17/37 հասցեի բազմաբնակարան շենքի բնակարանում, առանց համապատասխան թույլտվության, իրականացրել է ինքնակամ ձևափոխումներ (փակ պատշգամբ, մուտքի դուռ), ինչպես նաև մետաղական ցանկապատի միջոցով ինքնակամ զավթել է շենքի սպասարկման և համայնքային սեփականություն հանդիսացող հողամասերը:

2. Ոսկիհատ Ավետիքի Սարգսյանը (նույն. քարտ 010022812, հասցե՝ ք. Վանաձոր, Բաթումի փող. թիվ 17/40) Բաթումի փողոցի թիվ 17 շենքի հյուսիսարևելյան մասում ինքնակամ կառուցել է մետաղական ավտոտնակ (նկուղ):

3. Արամայիս Ենոքի Սարգսյանը (անձնագիր՝ AR 0224816, հասցե՝ ք. Վանաձոր, Բաթումի փող. թիվ 17/34) Բաթումի փողոցի թիվ 17 շենքի արևելյան մասում ինքնակամ կառուցել է տնտեսական շինություն:

4. Վոլոդյա Բադալի Բագոյանը (հասցե՝ ք. Վանաձոր, Բաթումի փող. թիվ 17/43) Բաթումի փողոցի թիվ 17 շենքից արևելք ինքնակամ կառուցել է տնտեսական շինություն:

2018 թվականի օգոստոսի 21-ին և օգոստոսի 23-ին հարուցված վարչական վարույթների հիման վրա 2018 թվականի սեպտեմբերի 06-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել և ներկայացել էին Վրեժ Վարոսյանը, Ոսկիհատ Սարգսյանի լիազորված անձ Անի Շահբազյանը, Արամայիս Սարգսյանը և Վոլոդյա Բագոյանը:

06.09.2018 թվականին կազմված արձանագրության համաձայն՝ Վրեժ Վարոսյանը պնդեց իր բողոքը, իսկ Ոսկիհատ Սարգսյանի լիազորված անձ Անի Շահբազյանը հայտնեց, որ կառուցված նկուղը (ավտոտնակը) գտնվում է շենքից մի քանի մետր հեռավորության վրա և չի խանգարում Վրեժ Վարոսյանի տան լուսավորությանը:

Ելնելով վերոգրյալից և ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Վարչարարության հիմունքների և վարչական վարույթի մասին» ՀՀ օրենքի  20-րդ հոդվածի 4-րդ մասով, 53-րդ, 58–60-րդ հոդվածներով՝ որոշում եմ.        

1. Պարտավորեցնել Վրեժ Ռոստոմի Վարոսյանին մեկամսյա ժամկետում վերացնել Բաթումի փողոցի թիվ 17/37 հասցեի բազմաբնակարան շենքի բնակարանում իրականացված ինքնակամ ձևափոխումները (փակ պատշգամբ, մուտքի դուռ), այն համապատասխանեցնելով նախկին տեսքին, ինչպես նաև ապամոնտաժել շենքի սպասարկման և համայնքային սեփականություն հանդիսացող հողամասերում տեղադրված մետաղական ցանկապատը:

2. Պարտավորեցնել Ոսկիհատ Ավետիքի Սարգսյանին մեկամսյա ժամկետում ապամոնտաժել Բաթումի փողոցի թիվ 17 շենքի հյուսիսարևելյան մասում ինքնակամ կառուցված մետաղական ավտոտնակը, ինչպես նաև շենքի սպասարկման և համայնքային սեփականություն հանդիսացող հողամասերում տեղադրված մետաղական ցանկապատը:

3. Պարտավորեցնել Արամայիս Ենոքի Սարգսյանին մեկամսյա ժամկետում ապամոնտաժել Բաթումի փողոցի թիվ 17 շենքի արևելյան մասում ինքնակամ կառուցված տնտեսական շինությունը:

4. Պարտավորեցնել Վոլոդյա Բադալի Բագոյանին մեկամսյա ժամկետում ապամոնտաժել Բաթումի փողոցի թիվ 17 շենքից արևելք ինքնակամ կառուցված տնտեսական շինությունը:

5. Սույն որոշման 1-ին, 2-րդ, 3-րդ և 4-րդ կետերի պահանջները չկատարելու դեպքում կընդունվեն վարչական պատասխանատվության ենթարկելու վերաբերյալ որոշումներ:

6. Սույն որոշումն ուժի մեջ է մտնում վարչական ակտի հասցեատերերին իրազեկելուն հաջորդող օրվանից:

7. Որոշումն ուժի մեջ մտնելու օրվանից կարող է բողոքարկվել վարչական կարգով  համայնքի ղեկավարին կամ դատական կարգով` Հայաստանի Հանրապետության վարչական դատարան` երկամսյա ժամկետում։