Հիմք ընդունելով «Լոռու մարզ» նոտարական տարածքի նոտար Ռոզա Բեկչյանի 21․02․2024թ․ 01/3831 դիմումը, Վանաձոր համայնքի ավագանու 2019 թվականի մայիսի 31-ի «Ռոզա Բեկչյանին վարձակալությամբ տարածք հանձնելու մասին» թիվ 74 որոշումը, 2019 թվականի հունիսի 20-ի «Անշարժ գույքի վարձակալության» պայմանագիրը և Վանաձոր համայնքի ավագանու 2024 թվականի 08 ապրիլի  թիվ 15 որոշումը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, Վանաձոր համայնքի ղեկավարը որոշում է․

1․ Վանաձոր համայնքի ղեկավարի և «Լոռու մարզ» նոտարական տարածքի նոտար Ռոզա Բեկչյանի միջև 2019 թվականի հունիսի 20-ին կնքված տարածքի վարձակալության պայմանագիրի ժամկետը երկարաձգել մինչև 2026 թվականի դեկտեմբերի 31-ը, վարձավճարի չափ սահմանելով 1քմ-ի համար ամսական՝ 1200/մեկ հազար երկու հարյուր/ ՀՀ դրամ։
2․ Վանաձոր համայնքի ղեկավարին՝ Ռոզա Բեկչյանի հետ ՀՀ օրենսդրությամբ սահմանված կարգով կնքել տարածքի վարձակալության պայմանագրի ժամկետը երկարաձգելու վերաբերյալ համապատասխան համաձայնագիր։