Երկայնակի Արտածել Word-ում Տպել
Լայնակի

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՆԱՁՈՐ ՀԱՄԱՅՆՔԻ ՂԵԿԱՎԱՐ
գիծ

Հայաստանի Հանրապետության Լոռու մարզի Վանաձոր համայնք
Ք. Վանաձոր, Տիգրան Մեծի 22, Ֆաքս 0322 22250, Հեռ. 060 650044, 060 650040 vanadzor.lori@mta.gov.am, info@vanadzor.am

Ո Ր Ո Շ ՈՒ Մ
26 հուլիսի 2021 թվականի   N 1598 

ՎԱՆԱՁՈՐ ՔԱՂԱՔԻ Գ. ԼՈՒՍԱՎՈՐՉԻ ՓՈՂՈՑ ԹԻՎ 40-42/1 ՀԱՍՑԵՈՒՄ ԳՏՆՎՈՂ, ՎԱՆԱՁՈՐ ՀԱՄԱՅՆՔԻ ՍԵՓԱԿԱՆՈՒԹՅՈՒՆԸ ՃԱՆԱՉՎԱԾ ՄԵՏԱՂԱԿԱՆ ԱՎՏՈՏՆԱԿԸ ԵՎ ԴՐԱՆՈՎ ԶԲԱՂԵՑՎԱԾ ՀՈՂԱՄԱՍԸ ՍՎԵՏԼԱՆԱ ՍԱՄՍՈՆԻ ԳՐԻԳՈՐՅԱՆԻՆ ՕՏԱՐԵԼՈՒ, ՎԱՆԱՁՈՐ ՀԱՄԱՅՆՔԻ ՂԵԿԱՎԱՐԻ 26 ՀՈՒՆԻՍԻ 2019 ԹՎԱԿԱՆԻ ԹԻՎ 1195 ՈՐՈՇՄԱՆ ՄԵՋ ՈՒՂՂՈՒՄ ԿԱՏԱՐԵԼՈՒ ԵՎ ՎԱՆԱՁՈՐ ՀԱՄԱՅՆՔԻ ՂԵԿԱՎԱՐԻ 22 ՆՈՅԵՄԲԵՐԻ 2019 ԹՎԱԿԱՆԻ ԹԻՎ 2190 ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ 

Հիմք ընդունելով Սվետլանա Սամսոնի Գրիգորյանի  դիմումները, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 15102019-06-0061 վկայականը, ղեկավարվելով «Գույքի նկատմամբ իրավունքների պետական գրանցման մասին» ՀՀ օրենքի 34-րդ հոդվածի   4-րդ մասով, «Նորմատիվ իրավական ակտերի մասին» ՀՀ օրենքի 37-րդ հոդվածով, ՀՀ կառավարության 2006թ. մայիսի 18-ի թիվ  912-Ն որոշմամբ հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.

1. Վանաձոր համայնքի ղեկավարի 26 հունիսի 2019 թվականի «Վանաձոր քաղաքի Գր. Լուսավորչի փողոցի թիվ 40 շենքի հարավային մասում ինքնակամ կառուցված մետաղական ավտոտնակի և դրանով զբաղեցված ու սպասարկման համար անհրաժեշտ հողամասի նկատմամբ Վանաձոր համայնքի սեփականությունը ճանաչելու, ավտոտնակն օրինականացնելու և փոստային հասցե տրամադրելու մասին» թիվ 1195 որոշման մեջ կատարել հետևյալ ուղղումը՝ որոշման 4-րդ կետում «վարձակալելու» բառը փոխարինել «ուղղակի վաճառքի ձևով օտարելու» բառերով:

2. Վանաձոր քաղաքի Գ. Լուսավորչի փողոց թիվ 40-42/1 հասցեում գտնվող, Վանաձոր համայնքի սեփականությունը ճանաչված 20.6քմ արտաքին մակերեսով (ներքին մակերեսը՝ 19.71քմ) մետաղական ավտոտնակը 53560 (հիսուներեք հազար հինգ հարյուր վաթսուն) դրամով և դրանով զբաղեցված և սպասարկման համար անհրաժեշտ 20.6քմ մակերեսով հողամասը 93200 (իննսուներեք հազար երկու հարյուր) դրամով, ուղղակի վաճառքի ձևով օտարել  Սվետլանա Սամսոնի Գրիգորյանին:

3.Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին՝ Սվետլանա Սամսոնի Գրիգորյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր:

4.Ուժը կորցրած ճանաչել Վանաձոր համայնքի ղեկավարի 22 նոյեմբերի 2019 թվականի «Վանաձոր քաղաքի Գ.Լուսավորչի փողոցի թիվ 40-42/1 հասցեում գտնվող, Վանաձոր համայնքի սեփականությունը ճանաչված ավտոտնակը և դրանով զբաղեցված հողամասը վարձակալության իրավունքով Սվետլանա Սամսոնի Գրիգորյանին տրամադրելու մասին» թիվ 2190 որոշումը:

 

 

ՀԱՄԱՅՆՔԻ ՂԵԿԱՎԱՐ`                                               ՄԱՄԻԿՈՆ ԱՍԼԱՆՅԱՆ

 

2021թ. հուլիսի 26
ք.Վանաձոր