Հիմք ընդունելով Սամվել Սերյոժայի Հովասափյանի` 24.02.2020թ. 067/1124 դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 20022020-06-0021 վկայականը, ղեկավարվելով ՀՀ կառավարության 2006թ. մայիսի 18-ի թիվ  912-Ն որոշմամբ  հաստատված կարգի 34.2-րդ կետով և 35-րդ կետի դ) և ե) ենթակետերով, «Նորմատիվ իրավական ակտերի մասին» ՀՀ օրենքի 37-րդ հոդվածով` որոշում եմ.

1. Վանաձոր քաղաքի Տարոն-2 ՔՇՀ 3 թաղամաս թիվ 75/8-1 հասցեում գտնվող, Վանաձոր համայնքի սեփականությունը ճանաչված 21.0քմ մակերեսով ավտոտնակը 35700 (երեսունհինգ հազար յոթ հարյուր) դրամով և դրանով զբաղեցված ու սպասարկման համար անհրաժեշտ 28.0քմ մակերեսով հողամասը 53600 (հիսուներեք հազար վեց հարյուր) դրամով, ուղղակի վաճառքի ձևով օտարել Սամվել Սերյոժայի Հովասափյանին:  

2. Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին՝ Սամվել Հովասափյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր:

3. Ուժը կորցրած ճանաչել Վանաձոր համայնքի ղեկավարի 23 մարտի 2020 թվականի «Վանաձոր քաղաքի Տարոն-2, ՔՇՀ 3 թաղամաս թիվ 75/8-1 հասցեում գտնվող, Վանաձոր համայնքի սեփականությունը ճանաչված ավտոտնակը և դրանով զբաղեցված հողամասը Սամվել Սերյոժայի Հովասափյանին օտարելու մասին» թիվ 745 որոշումը: