Հիմք ընդունելով Վանաձոր համայնքի ղեկավարի 01 նոյեմբերի 2022 թվականի թիվ 734 որոշումը, ՀՀ կադաստրի կոմիտեի գույքի նկատմամբ իրավունքի (սահմանափակման) պետական գրանցման վարույթը կասեցնելու մասին 17.11․2022 թվականի թիվ Կ-17112022-06-0079 որոշումը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածներով` որոշում եմ.
Վանաձոր համայնքի ղեկավարի 01 նոյեմբերի 2022 թվականի «Վանաձոր համայնքի Խնձորուտ 2-րդ փողոցում գտնվող Սերյան Ֆեինբեկի Ստեփանյանին հատկացված հողամասի հողհատկացման հիմքերը վերականգնելու և նոր փոստային հասցե տրամադրելու մասին» թիվ 734 որոշման մեջ կատարել հետևյալ լրացումները․
1. Որոշման վերնագիրը «վերականգնելու» բառից հետո լրացնել «, հողամասի գործառնական նշանակությունը փոխելու» բառերով:
2․ Որոշման նախաբանը «ենթակետով» բառից հետո լրացնել ««Տեղական ինքնակառավարման մասին» ՀՀ օրենքի 43-րդ հոդվածի 1-ին մասի 4-րդ կետով, ՀՀ հողային օրենսգրքի 3-րդ հոդվածի 1-ին մասի 1-ին կետով, 8-րդ հոդվածի 1-ին մասով, «Քաղաքաշինության մասին» ՀՀ օրենքի 143-րդ հոդվածի 11, 12, 13, 14 մասերով» բառերով:
3. Որոշումը լրացնել հետևյալ նոր 2-րդ կետով.
« 2. Փոխել Վանաձոր համայնքի Խնձորուտ 2 փողոցում գտնվող, 0.06հա մակերեսով հողամասի գործառնական նշանակությունը՝ խառը կառուցապատման հողերից` բնակելի կառուցապատման հողերի:»:
4. Որոշման 2-րդ կետը կարդալ որպես 3-րդ կետով: