Հիմք ընդունելով Մխիթար Փայլակի Սերոբյանի լիազորված անձ՝ Կարեն Գուրգենի Հովսեփյանի 12․10․2023թ. թիվ 02/17579 դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 21052025-06-0024 և Մխիթար Փայլակի Սերոբյանի անվամբ անշարժ գույքի նկատմամբ իրավունքների պետական գրանցման թիվ 09022021-06-0002 վկայականները,  16․09․2022թ․ թիվ10149 (Նոտարական ակտի կոդ։600-20220916-90-6271505) լիազորագիրը, 13․05․2024թ․ Վանաձոր համայնքի ավագանու թիվ 28 որոշումը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, ՀՀ հողային օրենսգրքի 66-րդ հոդվածի  1-ին մասի 3-րդ, 4-րդ կետերով և 2-րդ մասով և ՀՀ կառավարության 26 մայիսի 2016 թվականի թիվ 550-Ն որոշումով ` որոշում եմ.

1.Վանաձոր համայնքի Վանաձոր քաղաքի Գ․ Նարեկացու փողոց 10/2 հասցեում գտնվող, ՀՀ հողային օրենսգրքի 60-րդ հոդվածով սահմանված հողամասերի թվին չդասվող, Վանաձոր համայնքի սեփականություն հանդիսացող 0,0008հա մակերեսով հողամասը, համաձայն Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 21052025-06-0024 վկայականի, հողի կադաստրային արժեքով՝ 35540 (երեսունհինգ հազար հինգ հարյուր քառասուն) դրամով, ուղղակի վաճառքի ձևով օտարել Մխիթար Փայլակի Սերոբյանին՝ հողամասի ընդլայնման նպատակով: 

2.Վանաձոր համայնքի ղեկավարին՝ Մխիթար Փայլակի Սերոբյանի հետ ՀՀ օրենսդրությամբ սահմանված կարգով կնքել 0,0008հա մակերեսով հողամասի առուվաճառքի պայմանագիր, իսկ համայնքի աշխատակազմի եկամուտների հավաքագրման, հաշվառման և գովազդի բաժնին հաշվառել վերոնշյալ պայմանագիրը: