Հիմք ընդունելով Ալվարդ Մարգարյանի դիմումը, անշարժ գույքի օգտագործման իրավունքի գրանցման թիվ 1885797 վկայականը, Վանաձորի քաղաքապետի 2007թ. մարտի 06-ի թիվ 245 որոշումը, հողատարածքի վարձակալության 2007թ. մարտի 16-ին կնքված թիվ 202 պայմանագիրը, մինչև 01.04.2017թ. կատարված վարձավճարների վերաբերյալ տեղեկանքը, ղեկավարվելով ՀՀ հողային օրենսգրքի 48-րդ հոդվածով, ՀՀ կառավարության 28.03.2013թ. թիվ 276-Ն որոշմամբ, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի դ/ ենթակետով՝ որոշում եմ.
1. Վանաձոր համայնքի ղեկավարի և Ալվարդ Մարգարյանի միջև կնքված, Մ.Գոշի փողոցի թիվ 7գ հասցեում գտնվող 20.0քմ մակերեսով հողամասի վարձակալության պայմանագրի ժամկետը երկարաձգել մինչև 2027թ. մարտի 16-ը:
2. Վանաձորի համայնքապետարանի աշխատակազմի գույքի կառավարման և եկամուտների հավաքագրման բաժնին՝ Ալվարդ Մարգարյանի հետ ՀՀ օրենսդրությամբ սահմանված կարգով կնքել 20.0քմ մակերեսով հողամասի վարձակալության ժամկետը երկարաձգելու վերաբերյալ համապատասխան համաձայնագիր՝ վարձավճարի չափը 20.0քմ մակերեսի համար ամսական սահմանելով 480 /չորս հարյուր ութսուն/ ՀՀ դրամ:
3. Մ.Գոշի փողոցի թիվ 7գ հասցեում գտնվող հողամասին տրամադրել նոր փոստային հասցե՝ ք.Վանաձոր, Մ.Գոշի փողոց, թիվ 7-1/1 հողամաս:
4. Սույն որոշումն ուժի մեջ է մտնում ընդունմանը հաջորդող օրվանից: