Հիմք ընդունելով Միհրան Գրիշայի Պառավյանի դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 24092016-06-0007 և Միհրան Պառավյանի անվամբ անշարժ գույքի նկատմամբ իրավունքների պետական գրանցման թիվ 01022018-06-0032 վկայականները, Վանաձոր քաղաքի գլխավոր հատակագծի լրամշակման նախագիծը, «ՄԱՐ-ՄՈՍ» ՍՊԸ-ի կողմից 24.06.2019թ. տրված Բաղրամյան պողոտայի թիվ 15/1-2 հասցեի տաղավարի շուկայական արժեքի գնահատման գրությունը, ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով՝ Վանաձոր համայնքի ավագանին որոշում է.
1. Վանաձոր քաղաքի Բաղրամյան պողոտայի թիվ 15/1-2 հասցեում գտնվող, Միհրան Գրիշայի Պառավյանին կառուցապատման իրավունքով պատկանող, համաձայն Վանաձոր քաղաքի գլխավոր հատակագծի լրամշակման նախագծի՝ ՀՀ հողային օրենսգրքի 60-րդ հոդվածով սահմանված հողամասերի թվին չդասվող 10.5քմ մակերեսով հողամասը հողի կադաստրային արժեքով՝ 20097 (քսան հազար իննսունյոթ) դրամով և դրա վրա գտնվող 9.24քմ մակերեսով տաղավարը՝ համաձայն «ՄԱՐ-ՄՈՍ» ՍՊԸ-ի կողմից տրված գրության՝ 130000 (հարյուր երեսուն հազար) դրամով, ուղղակի վաճառքի ձևով օտարել Միհրան Գրիշայի Պառավյանին:
2. Վանաձոր համայնքի ղեկավարին` Միհրան Գրիշայի Պառավյանի հետ ՀՀ օրենսդրությամբ սահմանված կարգով կնքել տաղավարի և հողամասի առուվաճառքի պայմանագիր: