Հիմք ընդունելով Լևոն Քաջիկի Թադևոսյանի լիազորված անձ Հովհաննես Ազիզբեկի Թադևոսյանի 21.01.2021թ. թիվ 761 դիմումը, 20.11.2019թ. տրված թիվ 5511 (նոտարական ակտի կոդ: 741-20191120-90-4319218) լիազորագիրը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 30072014-06-0003 վկայականը, հանրային ծառայություններ մատուցող կազմակերպությունների եզրակացությունները, ՀՀ կադաստրի կոմիտեի գույքի նկատմամբ իրավունքի պետական գրանցումը մերժելու մասին 19/11/2019թ. թիվ Մ-19112019-06-0006 որոշումը, ԱՐՍԵՆ ԻՍԱՀԱԿՅԱՆ ՌՈՒԴԻԿԻ ԱՁ-ի կողմից տրված հողամասի և շինությունների հատակագծերը, շինությունների բնութագիրը, ղեկավարվելով ՀՀ կառավարության 2006թ. մայիսի 18-ի թիվ 731-Ն որոշմամբ հաստատված կարգով, ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 33-րդ կետով, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի «դ» ենթակետով, «Նորմատիվ իրավական ակտերի մասին» ՀՀ օրենքի 37-րդ հոդվածով՝ որոշում եմ.
1. Ճանաչել Վանաձոր համայնքի սեփականության իրավունքը Վանաձոր քաղաքի Տարոն-2, ՔՇՀ-3 թիվ 9/7-1 հասցեում գտնվող, Վանաձոր համայնքին սեփականության իրավունքով պատկանող 24.0քմ մակերեսով հողամասի վրա ինքնակամ կառուցված, ՀՀ քաղաքացիական օրենսգրքի 188-րդ հոդվածի 5-րդ մասով սահմանված օրինականացման պայմաններին համապատասխանող 14.66քմ արտաքին մակերեսով (ներքին մակերեսը` 13.86քմ) ավտոտնակի նկատմամբ` համաձայն հատակագծի:
2. Ճանաչել օրինական սույն որոշման 1-ին կետում նշված բնակելի գործառնական նշանակությամբ ինքնակամ կառույցը:
3. Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին` 5-օրյա ժամկետում դիմել ՀՀ կադաստրի կոմիտեի Լոռու մարզային ստորաբաժանում` սույն որոշման 1-ին կետում նշված ինքնակամ կառուցված ավտոտնակի և դրանով զբաղեցված ու սպասարկման համար անհրաժեշտ հողամասի նկատմամբ համայնքի սեփականության իրավունքի պետական գրանցում կատարելու համար:
4. Վանաձորի համայնքապետարանի աշխատակազմի ճարտարապետության և քաղաքաշինության բաժնի պետ-գլխավոր ճարտարապետ Ս.Աբովյանին` սույն որոշման 1-ին կետում նշված գույքի նկատմամբ համայնքի սեփականության իրավունքի գրանցումից հետո 15 աշխատանքային օրվա ընթացքում գրավոր առաջարկել սույն որոշման 1-ին կետում նշված ավտոտնակի ինքնակամ կառուցումը իրականացրած անձին ավտոտնակը և հողամասը ուղղակի վաճառքի ձևով օտարելու վերաբերյալ:
5. Վանաձոր քաղաքի Տարոն-2, ՔՇՀ-3 թիվ 9/7-1 հասցեում գտնվող գույքին տրամադրել նոր փոստային հասցե` ք. Վանաձոր, Տարոն-2 թաղամաս, ՔՇՀ-3, թիվ 9/7-1 ավտոտնակ:
6. Ուժը կորցրած ճանաչել Վանաձոր համայնքի ղեկավարի 22 հուլիսի 2019 թվականի «Վանաձոր քաղաքի Տարոն-2 ՔՇՀ-3 թիվ 9 շենքի հյուսիսարևելյան մասում ինքնակամ կառուցված ավտոտնակի, հենապատի և դրանցով զբաղեցված ու սպասարկման համար անհրաժեշտ հողամասի նկատմամբ Վանաձոր համայնքի սեփականությունը ճանաչելու, ավտոտնակը, հենապատը օրինականացնելու և փոստային հասցե տրամադրելու մասին» թիվ 1383 և 06 նոյեմբերի 2019 թվականի «Վանաձոր համայնքի ղեկավարի 22 հուլիսի 2019 թվականի թիվ 1383 որոշման մեջ փոփոխություններ կատարելու մասին» թիվ 2038 որոշումները: