Հիմք ընդունելով Աշոտ Գագիկի Պողոսյանի դիմումը, Վանաձոր քաղաքի գլխավոր հատակագծի լրամշակման նախագիծը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 13062019-06-0036 և անշարժ գույքի նկատմամբ իրավունքների պետական գրանցման թիվ 15102018-06-0030 վկայականները, ղեկավարվելով ՀՀ հողային օրենսգրքի 66-րդ հոդվածի 1-ին մասի 3-րդ և 4-րդ կետերով, 2-րդ մասով, ՀՀ հողային օրենսգրքի 3-րդ հոդվածի 1-ին մասի 1-ին կետով, 8-րդ հոդվածի 1-ին մասով, «Տեղական ինքնակառավարման մասին» ՀՀ օրենքի 43-րդ հոդվածի 1-ին մասի 4-րդ կետով, «Քաղաքաշինության մասին» ՀՀ օրենքի 143-րդ հոդվածի 11, 12, 13, 14 մասերով, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի դ) ենթակետով՝ որոշում եմ.
1. Վանաձոր քաղաքի Երևանյան խճուղի թիվ 64/1 հասցեում գտնվող, Վանաձոր քաղաքի գլխավոր հատակագծի լրամշակման նախագծի համաձայն ՀՀ հողային օրենսգրքի 60-րդ հոդվածով սահմանված հողամասերի թվին չդասվող 21.0քմ մակերեսով հողամասը, հողի կադաստրային արժեքով, ուղղակի վաճառքի ձևով 61740 (վաթսունմեկ հազար յոթ հարյուր քառասուն) դրամով օտարել Աշոտ Գագիկի Պողոսյանին՝ ավտոտնակ կառուցելու համար:
2. Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին` Աշոտ Պողոսյանի հետ ՀՀ օրենսդրությամբ սահմանված կարգով կնքել 21.0քմ մակերեսով հողամասի առուվաճառքի պայմանագիր:
3. Փոխել Վանաձոր քաղաքի Երևանյան խճուղի թիվ 64/1 հասցեում գտնվող 0.0021հա մակերեսով հողամասի գործառնական նշանակությունը՝ բնակավայրերի հասարակական կառուցապատման հողերից՝ բնակելի կառուցապատման հողերի:
4. Վանաձոր քաղաքի Երևանյան խճուղի թիվ 64/1 հասցեում գտնվող հողամասին տրամադրել նոր փոստային հասցե՝ ք.Վանաձոր, Երևանյան խճուղի, թիվ 64-25/1 հողամաս: