Հիմք ընդունելով «Մանկավարժ» բարեգործական հասարակական կազմակերպության նախագահ Ա․ Փոլադյանի 26․04․2021 թվականի դիմումը, Վանաձոր համայնքի անվամբ անշարժ գույքի սեփականության (օգտագործման) իրավունքի գրանցման թիվ 1873118 վկայականը, ղեկավարվելով ՀՀ քաղաքացիական օրենսգրքի 685-րդ հոդվածի 1-ին մասով, 693-րդ հոդվածի 1-ին մասով և «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 21-րդ կետով` Վանաձոր համայնքի ավագանին որոշում է.

1. Լուծել 13 հունիսի 2011 թվականի ոչ բնակելի անհատույց օգտագործման թիվ 183 պայմանագիրը։

2. Վանաձոր համայնքի ղեկավարին՝ կնքել պայմանագիրը լուծելու վերաբերյալ համաձայնագիր:

3․ Վանաձոր համայնքի սեփականություն հանդիսացող Վանաձորի թիվ 5 մանկապարտեզի 2-րդ հարկի բացվածքի 100,48 քմ տարածքը 7 (յոթ) տարի ժամկետով, անհատույց օգտագործման իրավունքով հանձնել «Մանկավարժ» բարեգործական հասարակական կազմակերպությանը:

4․ Վանաձոր համայնքի ղեկավարին՝ «Մանկավարժ» բարեգործական հասարակական կազմակերպության հետ կնքել անհատույց օգտագործման պայմանագիր:

5․ Վանաձորի համայնքապետարանի աշխատակազմի քարտուղարության, տեղեկատվության և աշխատանքի բաժնին` սույն որոշման մեկ օրինակը ուղարկել ՀՀ անշարժ գույքի կադաստրի կոմիտեի Լոռու մարզային ստորաբաժանում: