Հիմք ընդունելով «ՍԱՄԲՈ» ՍՊԸ-ի տնօրենի ժամանակավոր պաշտոնակատար Հովիկ Ալբերտի Մանուկյանի դիմումը, ՀՀ կադաստրի կոմիտեի գույքի նկատմամբ իրավունքի (սահմանափակման) պետական գրանցման վարույթը կասեցնելու մասին 07.08.2019թ. թիվ Կ-07082019-06-0085 որոշումը, Վանաձոր համայնքի ղեկավարի 2019թ. հունիսի 28-ի թիվ 1218 որոշումը, ղեկավարվելով «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածներով` որոշում եմ.

Վանաձոր համայնքի ղեկավարի 2019 թվականի հունիսի 28-ի «Վանաձոր քաղաքի Տիգրան Մեծի պողոտայի թիվ 42Ա/1, Տ. Մեծի պողոտայի թիվ 42Ա/1 և Տ. Մեծի պողոտայի թիվ 42-1/1-1 հասցեներում «ՍԱՄԲՈ» սահմանափակ պատասխանատվությամբ ընկերությանը սեփականության իրավունքով պատկանող տաղավարները և հողամասերը որպես մեկ գույքային միավոր միավորելու, հողամասի ճշտված սահմանները հաստատելու և փոստային հասցե տրամադրելու մասին» թիվ 1218 որոշման մեջ կատարել հետևյալ փոփոխությունը՝ որոշման 3-րդ կետում  «տաղավար» բառը փոխարինել «խանութ» բառով: