Հիմք ընդունելով Չապաևի փողոցի բնակիչների անունից Տիգրան Բաղոյանի դիմումը, Վանաձոր համայնքի ղեկավարի առաջարկը և ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 22-րդ կետով, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ հաստատված կարգի II բաժնի պահանջներով՝ Վանաձոր համայնքի ավագանին որոշում է.
1. Վանաձոր քաղաքի Չապաևի փողոցը վերանվանել Մոնթե Մելքոնյանի անվան փողոց:
2. Հանձնարարել Վանաձորի համայնքապետարանի աշխատակազմի քաղաքաշինության և ճարտարապետության բաժնին՝ իրականացնել անհրաժեշտ գործողություններ կապված փողոցի վերանվանման, այդ թվում նաև անվանատախտակի նախագծման, պատրաստման և տեղադրման աշխատանքները:
3. Համայնքապետարանի աշխատակազմի քարտուղարության, տեղեկատվության և աշխատանքի բաժնին` սույն որոշման մեկ օրինակը ուղարկել ՀՀ ոստիկանության Վանաձոր քաղաքի Բազումի և Տարոնի բաժիններ, ՀՀ ոստիկանության անձնագրային և վիզաների վարչության Վանաձոր քաղաքի Բազումի և Տարոնի անձնագրային բաժանմունքներ, ՀՀ կադաստրի կոմիտեի Լոռու մարզային ստորաբաժանում, Առանձնացված ստորաբաժանում քաղաքացիական կացության ակտերի գրանցման Վանաձորի տարածքային բաժին, «ՀԷՑ» ՓԲԸ «Դեբեդ» մասնաճյուղ, «Գազպրոմ Արմենիա» ՓԲԸ, Լոռու ԳԳՄ և «Վեոլիա Ջուր» ՓԲԸ: