Հիմք ընդունելով Արամ Սերգոյի Մանուկյանի դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 16052019-06-0022 վկայականը, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24-րդ կետով, «Նորմատիվ իրավական ակտերի մասին» ՀՀ օրենքի 37-րդ հոդվածով, ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.
1. Վանաձոր քաղաքի Նարեկացու փողոցի թիվ 6/17-1 հասցեում գտնվող, Վանաձոր համայնքի սեփականությունը ճանաչված 82.0քմ արտաքին մակերեսով (ներքին մակերեսը՝ 72.11քմ) ավտոտնակը 139400 (հարյուր երեսունինը հազար չորս հարյուր) դրամով և դրանով զբաղեցված ու սպասարկման համար անհրաժեշտ 49.1քմ մակերեսով հողամասը 93980 (իննսուներեք հազար ինը հարյուր ութսուն) դրամով, ուղղակի վաճառքի ձևով օտարել Արամ Սերգոյի Մանուկյանին:
2. Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին՝ Արամ Մանուկյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր:
3. Ուժը կորցրած ճանաչել Վանաձոր համայնքի ղեկավարի 2019 թվականի հունիսի 05-ի «Վանաձոր քաղաքի Նարեկացու փողոցի թիվ 6/17-1 հասցեում գտնվող,Վանաձոր համայնքի սեփականությունը ճանաչված ավտոտնակը և դրանով զբաղեցված հողամասը Արամ Սերգոյի Մանուկյանին օտարելու մասին» թիվ 1047 որոշումը: