Հիմք ընդունելով Ամարա Լավրենտիի Պետրոսյանի դիմումը, անշարժ գույքի սեփականության իրավունքի գրանցման թիվ 16062017-06-0009 վկայականը, ղեկավարվելով ՀՀ կառավարության 2006թ. ապրիլի 13-ի թիվ 718-Ն և 2002թ. փետրվարի 02-ի թիվ 88 որոշումներով, ՀՀ հողային օրենսգրքի 3-րդ հոդվածի 1-ին մասի 1-ին կետով, 8-րդ հոդվածով, «Տեղական ինքնակառավարման մասին» ՀՀ օրենքի 43-րդ հոդվածի 1-ին մասի 4-րդ կետով, «Քաղաքաշինության մասին» ՀՀ օրենքի 143 հոդվածի 11,12,13,14 մասերով, ՀՀ կառավարության 29.12.2005թ. թիվ 2387-Ն որոշմամբ հաստատված կարգի 29-րդ կետի դ/ ենթակետով` որոշում եմ.
1. Փոխել Վանաձոր քաղաքի Նաիրի փողոցի թիվ 10/2 հասցեում գտնվող 78.35քմ ընդհանուր մակերեսով բնակելի շինությունների գործառնական նշանակությունը, հաշվառել որպես հասարակական սպասարկման օբյեկտ (հյուրատուն):
2. Փոխել Վանաձոր քաղաքի Նաիրի փողոցի թիվ 10/2 հասցեում գտնվող բնակավայրերի բնակելի կառուցապատման հողերից 0.0515հա հողի գործառնական նշանակությունը հասարակական կառուցապատման:
3. Վանաձոր քաղաքի Նաիրի փողոցի թիվ 10/2 հասցեում գտնվող անշարժ գույքին տրամադրել նոր փոստային հասցե՝ ք.Վանաձոր, Նաիրի փողոց, թիվ 10/2 հյուրատուն:
4. Սույն որոշումն ուժի մեջ է մտնում ընդունմանը հաջորդող օրվանից: