Հիմք ընդունելով Վանաձոր համայնքի ղեկավարի 22 նոյեմբերի 2019 թվականի թիվ 2198 որոշումը, ՀՀ կադաստրի կոմիտեի գույքի նկատմամբ իրավունքի (սահմանափակման) պետական գրանցման վարույթը կասեցնելու մասին 05.12.2019թ. թիվ Կ-05122019-06-0021 որոշումը, ղեկավարվելով «Նորմատիվ ակտերի մասին» ՀՀ օրենքի 33-րդ և 34-րդ հոդվածներով` որոշում եմ.
1. Վանաձոր համայնքի ղեկավարի 22 նոյեմբերի 2019 թվականի «Վանաձոր քաղաքի Նարեկացի փողոցի թիվ 13/1 հասցեում գտնվող Հրանտ Մկոյանին սեփականության իրավունքով պատկանող կաթսայատան գործառնական նշանակությունը փոխելու և նոր փոստային հասցե տրամդրելու մասին» թիվ 2198 որոշման մեջ կատարել հետևյալ լրացումները և փոփոխությունները.
1) Որոշման նախաբանը «ղեկավարվելով» բառից հետո լրացնել «ՀՀ հողային օրենսգրքի 3-րդ հոդվածի 1-ին մասի 1-ին կետով, 8-րդ հոդվածի 1-ին մասով, «Քաղաքաշինության մասին» ՀՀ օրենքի 143-րդ հոդվածի 11, 12, 13, 14 մասերով,» բառերով և «24-րդ կետով,» բառերից հետո լրացնել «43-րդ հոդվածի 1-ին մասի 4-րդ կետով,» բառերով:
2) Որոշման 1-ին կետում «հասարակական» բառը փոխարինել «բնակելի» բառով:
3) Որոշման 1-ին կետից հետո լրացնել հետևյալ բովանդակությամբ նոր 2-րդ կետով.
«2. Փոխել Վանաձոր քաղաքի Նարեկացի փողոցի թիվ 13/1 հասցեում գտնվող 0.05հա մակերեսով հողամասի գործառնական նշանակությունը՝ բնակավայրերի հասարակական կառուցապատման հողերից՝ բնակելի կառուցապատման հողերի:»
4) Որոշման 2-րդ կետից հետո լրացնել հետևյալ բովանդակությամբ նոր 3-րդ կետով.
«3. Տվյալ շինության գործառնական նշանակության փոփոխման համար շինարարության կամ քանդման թույլտվություն չի պահանջվում:»
5) Որոշման 2-րդ կետը կարդալ որպես 4-րդ կետ: