Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 25-րդ կետով և Հայաստանի Հանրապետության կառավարության 2006 թվականի նոյեմբերի 16-ի թիվ 1708-Ն որոշմամբ` Վանաձոր համայնքի ավագանին որոշում է.

1. Տալ համաձայնություն Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված Վանաձոր համայնքի «Շառլ Ազնավուրի» անվան այգու հիմնանորոգում, Տարոն-2 և Տարոն-4 այգիների կառուցում» սուբվենցիայի հայտին՝ համաձայն հավելվածի:

2. Ծրագրի արժեքը սահմանել 234 218 390 (երկու հարյուր երեսունչորս միլիոն երկու հարյուր տասնութ հազար երեք հարյուր իննսուն) Հայաստանի Հանրապետության դրամ, որից 60%-ը`116 531 034  հարյուր տասնվեց միլիոն հինգ հարյուր երեսունմեկ հազար երեսունչորս) Հայաստանի Հանրապետության դրամ համաֆինանսավորման տեսքով ներդնում է համայնքը՝ Վանաձոր համայնքի 2020 թվականի բյուջեի 06 բաժնի 6-րդ խմբի 1-ին դասի գործառնական դասակարգման 5113 /Շենքերի և շինությունների կապիտալ վերանորոգում/  հոդվածից, այլ ներդրող՝ «Հելսինկյան քաղաքացիական ասամբլեա» ՀԿ 24 000 000 /քսան չորս միլիոն/ Հայաստանի Հանրապետության դրամ /10,2%/:

3․ Ծրագրի իրականացման հետ առնչվող այլ փաստաթղթերի ստորագրումը, դրանցից բխող գործառույթների կազմակերպումն իրականացնում է Վանաձոր համայնքի ղեկավարը: