Հիմք ընդունելով Աղասի Արժանիկի Գալստյանի դիմումը, Վանաձոր համայնքի անվամբ անշարժ գույքի նկատմամբ իրավունքների պետական գրանցման թիվ 05052020-06-0017 վկայականը, ղեկավարվելով ՀՀ կառավարության 2006թ. մայիսի 18-ի թիվ 912-Ն որոշմամբ հաստատված կարգի 34.2-րդ կետով և 35-րդ կետի դ) և ե) ենթակետերով` որոշում եմ.
1. Վանաձոր քաղաքի Տիգրան Մեծի պողոտա թիվ 10-38/2 հասցեում գտնվող, Վանաձոր համայնքի սեփականությունը ճանաչված 3.9քմ արտաքին մակերեսով (ներքին մակերեսը՝ 3.68քմ) ավտոտնակը 8190 (ութ հազար հարյուր իննսուն) դրամով և դրանով զբաղեցված և սպասարկման համար անհրաժեշտ 3.9քմ մակերեսով հողամասը 11470 (տասնմեկ հազար չորս հարյուր յոթանասուն) դրամով, ուղղակի վաճառքի ձևով օտարել Աղասի Արժանիկի Գալստյանին:
2. Վանաձորի համայնքապետարանի աշխատակազմի եկամուտների հավաքագրման, գույքի կառավարման և գովազդի բաժնին` Աղասի Գալստյանի հետ ՀՀ օրենսդրությամբ սահմանված կարգով կնքել ավտոտնակի և հողամասի առուվաճառքի պայմանագիր: