Հիմք ընդունելով Վալենտինա Անուշավանի Վերմիշյանի (ծնված՝ 09․02․1941թ.) և Գագիկ Վահանի Մացակյանի (ծնված՝ 14․07․1966թ.) դիմումը, անհատական բնակելի տան 20.05.1988թ. տրված տեխնիկական անձնագիրը, 03.04.2006թ. ըստ օրենքի ժառանգության իրավունքի թիվ 4081 և թիվ 4082 վկայագրերը, ՍԱՐԳԻՍ ԹԱՄԱԶՅԱՆ ՌՈԲԵՐՏԻ ԱՁ-ի կողմից տրված հողամասի և շինությունների հատակագիծը, շինությունների բնութագիրը, մասնագիտական եզրակացությունը, «Վանաձորի նախագծող» ՍՊԸ-ի կողմից 29․06․2020թ. տրված շինությունների տեխնիկական վիճակի վերաբերյալ թիվ ՎՆ1-97/20 Ի եզրակացությունը և հաշվի առնելով այն, որ Վանաձոր քաղաքի Շիրվանզադեի փողոցի թիվ 16 հասցեի բնակելի տան կառուցման և սպասարկման համար անհրաժեշտ օրինական 600․5քմ և կից 0․5քմ մակերեսով հողամասերը, դրանց վրա կառուցված բնակելի նշանակության շինությունները չեն գտնվում ՀՀ հողային օրենսգրքի 60-րդ հոդվածով սահմանված հողամասերի և ինժեներատրանսպորտային օբյեկտների օտարման գոտիներում, չեն հակասում քաղաքաշինական նորմերին, չեն առաջացնում սերվիտուտ: Անհատական բնակելի տունը կառուցվել է 1958-2012թթ., բնակելի տան զբաղեցրած և սպասարկման համար անհրաժեշտ հողամասի մակերեսը փաստացի կազմում է 601․0քմ:
Ղեկավարվելով ՀՀ քաղաքացիական օրենսգրքի 189-րդ հոդվածով, 10.06.2008թ. «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» ՀՀ օրենքով, ՀՀ կառավարության 2005թ. դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի դ) ենթակետով՝ որոշում եմ.
1. Ճանաչել Վալենտինա Անուշավանի Վերմիշյանի և Գագիկ Վահանի Մացակյանի ընդհանուր սեփականության իրավունքը Վանաձոր քաղաքի Շիրվանզադեի փողոցի թիվ 16 հասցեի բնակելի տան կառուցման և սպասարկման համար անհրաժեշտ օրինական 600․5քմ մակերեսով հողամասին կից 0․5քմ հողամասի նկատմամբ:
2. Ճանաչել Վալենտինա Անուշավանի Վերմիշյանի և Գագիկ Վահանի Մացակյանի ընդհանուր սեփականության իրավունքը Վանաձոր քաղաքի Շիրվանզադեի փողոցի թիվ 16 հասցեի 601․0քմ հողամասի վրա գտնվող բնակելի նշանակության բոլոր շինությունների նկատմամբ՝ բացառությամբ 15.05.2001թ.-ից հետո ինքնակամ կառուցված 17․85քմ մակերեսով ծածկարանի:
3. Հողամասի սահմանները որոշվում են համայնքի ղեկավարի կողմից հաստատված հատակագծով:
4. Հաստատել Վանաձոր քաղաքի Շիրվանզադեի փողոցի թիվ 16 հասցեում գտնվող բնակելի տան փոստային հասցեն՝ ք. Վանաձոր, Շիրվանզադեի փողոց, թիվ 16 բնակելի տուն: